Kw’isi dutuye nta muntu uroreka imbaga nka Perezida w’u Rwanda Paul Kagame kandi nta muntu kw’isi ukomeje kwigira umutagatifu nkawe! Banyarwanda, baturanyi b’u Rwanda duhuje ibibazo bya Kagame Paul murasabwa guhaguruka tukiza uyu mugabo naho ubundi umugambi we urenze kuba mubisha kuko afite gahunda yo guhindara U Rwanda irimbi rigari rya beneryo, akarere ko ni mu marindiro ye aho ahigira abenegihugu n’abanyakarere!
Kagame ahaye isura mbi u Rwanda kuko amaraso n’ubwishongozi aho uvuze ko uru Munyarwanda mu karere bakwita umwicanyi, umugambanyi, umuntu utizerwa n’ibindi nkibyo.
Birababaje kubona abantu imyaka bamaze bicwa n’ubutegetsi, bahunga , bafugwa, batotezwa none na n’ubu muri iki kinyejana imico mibi nk’iyo ikaba idacika ahubwo ikiyongera!
Bitera agahinda iyo ubona abasore bato, abagabo, amajigija, ibikwerere n’abasaza bakomeje kwicwa bazize ko batekereje bakavuga ibitagenda, ndetse nabo batekereje gusa ko bagomba kuba batekereje kimuntu bakabizira( Gutekereza kimuntu n’ukuvuga ukanakora ibyo wemera ntiwitandukanye n’ubwenge bwawe ngo ubuhe abicanyi).
Abanyenshuri bananiwe kwiga kubera Burusi zahagaritse kubera gusesagura mu bidafitiye igihugu akamaro, ingero zifatika ni amafaranga ashyirwa mu kuneka impunzi z’abanyarwanda kw’isi umunsi umwe, mu gihugu nka Uganda ashobora kwigisha abanyeshuri ijana biga Medicine bakarangiza.
Amafaranga ahabwa abanyamakuru nka Mwenda Andrew urangiza akayakwirakwiza angana na 700,000 by’amadolari atagira aho abarirwa. Mwibaze namwe murebe!! Uwo ni umwe. Hari abacuruzi bahabwa amafaranga mu karere kugirango babashe koreka imbaga y’abana b’u Rwanda bahahungiye no kuba amashami yo gushakisha ingabo zo koreka akarere. Mwumvise ibyø umunyamakuru wa the new times Rwanda wafunzwe azira gushakira ingabo umutwe wa 23 muri Uganda si uyu wabikoraga inyuma ye hari umucuruzi w’igisambo utagira imbabazi bita Kananura Donat.
Aho umutungo w’igihugu cyacu gushyirwa mu bushakashatsi urashyirwa mu gucura impapuro mpimbano zo kuguriraho impunzi z’abanyarwanda ziketsweho kuba zikorana n’abatavugarumwe na leta.
Banyarwanda bari imbere no hanze dufatane urunana twange ubutegetsi buduhekura buri joro n’amanywa hakoreshejwe barumuna bacu bakuru bacu, abana bacu!
Shira ubwoba humura nturi wenyine turahari turi benshi haguruka tubohore igihugu cyacu, umurage twese twasigiwe na Gihanga na KanyaRwanda.
Kayumba Rugema
Norway