Odinga w’imyaka 73 wahakanye ibyavuye mu matora yatsinzwemo na Perezida Uhuru Kenyatta, yavuze ko yarahiriye kuba “Perezida w’abaturage”.
Yarahiriye imbere y’ibihumbi by’abayoboke b’ihuriro NASA rigizwe n’amashyaka atavuga rumwe na leta mu murwa mukuru Nairobi mu busitani bwitiriwe ‘Uhuru’. Kalonzo Musyoka wagombaga kurahira nka visi perezida we ntiyabonetse muri uwo muhango.
Odinga yikuye mu matora y’Umukuru w’Igihugu yasubiwemo mu kwezi kwa cumi umwaka ushize. Ayo matora yatsinzwe na Kenyatta ku majwi 98 ku ijana.
Raila Odinga kuri uyu wa kabiri yarahiye nk’umukuru w’igihugu ca Kenya imbere y’ibihumbi vy’abakunzi b’urunani rwiwe National Super Alliance Nasa. Odinga yavuze ko we ari “ perezida w’abanyagihugu”
Publié par VOA Radiyoyacu sur mardi 30 Janvier 2018
Ayo matora yasubiwemo nyuma yuko urukiko rw’Ikirenga muri Kenya rutesheje agaciro ibyavuye mu matora y’umukuru w’igihugu yabaye ku itariki 8 y’ukwezi kwa munanu umwaka ushize bitewe n’ibibazo byayagaragayemo.
Ministiri w’ubutabera wa Kenya Githu Muigai yari yabwiye Odinga ko aramutse yirahije azashinjwa icyaha cyo kugambanira igihugu gihanishwa igihano cyo kwicwa.
Mbere y’uko arahira ibitangazamakuru birimo televiziyo zigenga byafunzwe ubwo byageragezaga gutambutsa ibijyanye n’uwo muhango.
Raila Odinga, umunyapolitike utavuga rumwe na leta, kuri uyu wa kabiri Yirahije nka Perezida w'Abanyakenya
Publié par VOA Radiyoyacu sur mardi 30 Janvier 2018