Radio itahuka ijwi ry’ihuriro nyarwanda RNC yakoze isesengura ku buhamya bwatanzwe mu rukiko na ba Col Jill Rutaremara, Col Bukenya Ngarambe, Col Karege muri urwo rukiko rwa gisirikarei Kanombe haburanishwaga Brig Gen Frank Rusagara, Col Tom Byabagamba na Sgt Francois Kabayiza.

Umunyamakuru Serge Ndayizeye yaganiriye n’abatumire batandukanye barimo n’abasirikare bakuru bahoze muri RDF basobanura uko babona ibirimo kuba, nta gushidikanya benshi bahamya ko ibi ari intangiriro y’isenyuka rya RDF.

haganiriwe n’izindi ngingo:

-Burundi : Kuwa gatandatu habaye imyigaragabyo yo kwamagana President Kagame

-Rwanda rwongeye kwisubiraho ko rugomba kwirukana impunzi

n’ibindi…..

Hari uwaba azi aho Paul Kagame ari nyuma y’umukino wahuje abakinnyi bakomeye kandi bazwi cyane muri NBA yabereye i Toronto muri Canada taliki ya 14 Gashyantare 2016 mbere yuko asesekara i Houston aho azaba agiye mu nama yerekeranye n’ibyamashanyarazi izaba kuva ku ya 22 kugeza ku ya 26 Gashyantare? Umwami Paul ntajya yicara mu Rwanda. Yibera mu ndege ze, aho ageze agacumbika mu byumba by’amahoteli bihenze abaperizida bararamo cyangwa se akararano no muyandi mazu ahenze hirya no hino mu bihugu byo hanze. None ninde koko uyobora u Rwanda iyo adahari?

Iki n’ikibazo nakomeje kujya nibazaho kuva kera. Yaba se ari FPR iyobora igihugu iyo adahari? Oya Reka da, ishyaka ryasenyutse kera. Kagame, perezida wa FPR, niwe wahindutse ishyaka. N’igisirikare se? Ibi byo byibagirwe kuko ubuyobozi bw’igisirikare ni Kagame ndetse n’abasirikare ni nk’ amatungo ye. Abandi ba generali bo basimburana muri gereza cyangwa abo atagikeneye akabajugunya muri za ambasadi hanze.

Ninde rero uyobora u Rwanda iyo umwami Paul adahari?

Dore aba bagore batatu nibo bica bagakiza bakaba aribo bayobora u Rwanda:

* Umufasha wa Kagame ari we Jeannette Nyiramongi Kagame
* Pitchette Kampeta Sayinzoga
* Ines Mpambara.

UMUFASHA WA KAGAME JEANNETTE NYIRAMONGI KAGAME

Umufasha wa Kagame ariwe Jeannette Nyiramongi Kagame niwe uza kwisonga. Mu byukuri niwe ufite ububasha bukomeye mu gihugu nyuma y’umugabo we Kagame akaba ari nkaho ariwe uyoboye ibiro by’umugabo we Umwami Paul. Umufasha wa Kagame Jeannette Nyiramongi yashoboye kubona inshuti n’abamufasha bo hanze batanga amafaranga menshi mu karima ke Imbuto Foundation. Kubera izo nshuti zikomeye zo hanze, ushatse wamwita Dr Jeannette Nyiramongi Kagame kubera impamyabushobozi y’ikirenga ariko y’icyubahiro atakoreye yahawe na Kaminuza y’abakirisitu yo muri Oklahoma muri Amerika. Birazwi ko iyo Dr Jeannette Nyiramongi akoresheje inama, abitwa ko ari ibikomerezwa mu Rwanda nka Perezida w’urukiko rw’ikirenga, Perezida wa Sena na Perezida w’abadepite n’abandi ba Minisitiri bose baza biruka nkaho ariwe mukuru w’igihugu. Ikindi kandi birazwi ko afite umwanya ukomeye m’ishyaka riri kubutegetsi rya FPR ndetse n’izindi nzego zose z’igihugu zifata ibyemezo bikomeye.

PITCHETTE KAMPETA SAYINZOGA

Ikitwa ifaranga cyose, uyu Sayinzoga niwe ufite ububasha bwose – haba amafaranga yinjira mu gihugu cyangwa imfashanyo zo hanze. Sayinzoga afitanye amasano n’umuryango wa Kagame – akaba ari umugore wa mwishywa wa Perezida Kagame witwa Byusa akaba ari mu bacunga imitungo ya Kagame. Ikintu gikomeye cyane nuko Pitchette Kampeta Sayinzoga ari umunyamabanga uhoraho muri MINECOFIN. Ndetse akaba ari n’umunyamabanga mu kigega cy’igihugu. Yungirije Umukuru w’ikigo gishinzwe imisoro n’amahoro. Akongera akaba ariwe uyobora ikigo kitwa “Rwanda Development Partners” gihuza abahagarariye za leta n’indi miryango itanga imfashanyo ku rwego rwo hejuru.

INES MPAMBARA

Mpambara niwe wungirije Dr Jeannette Nyiramongi Kagame mw’Imbuto Foundation. Yitwaje uyu mwanya Mpambara yari afite, Dr. Nyiramongi Kagame yamuhesheje akazi mu biro bya Perezida Kagame nk’umukozi usanzwe mu w’i 2007. Mugihe kitarenze umwaka, Ines Mpambara yari yamaze kugera kw’isonga mu biro bya Perezida Kagame aho ubu ariwe muyobozi mukuru w’ibiro bya Kagame. Aba minisitiri n’abajenerali ba Kagame baratitira hafi kwinyaraho iyo bari iruhande rw’uyu mukobwa Ines Mpambara. Mpambara amaze kuba icyamamare muri leta yu Rwanda nk’umuntu w’ibibi byose harimo gutekinika, guhora, kugambanira abantu n’andi mabi menshi ntarondora hano. Ahora arangajwe imbere no kuneka, amatiku, gusebanya ndetse no gushaka kwikiza abo Kagame bose abonamo nk’abanzi b’igihugu. Kuri Mpambara na Kagame, “umwanzi” n’umuntu wese ushyira mu gaciro cyane cyane umuntu uwari we wese ushatse kwerekana amafuti yabo n’uburyo igihugu kiyobowe nabi.

UBURYARYA N’AKARIMI BIRANGA ABA BAGORE

Iyo batari guhiga abo bita abanzi b’igihugu bakoresheje umutungo w’igihugu basahura, aba bagore batatu bafite akarimi n’uburyarya budasanzwe kuburyo biborohera kubeshya abo bahuye nabo bose ko u Rwanda ari nka Singapore. Ikibabaje nuko abazi cyangwa bazize ubugome n’itekinika ryabo ntacyo babikoraho ariko bakomeza guhoheterwa

Dr David Himbara

Amakuru atugeraho ava mu bantu bacu ba hafi ni uko umwe mu mpunzi z’abarundi wahungiye Kigali uzwi ku mazina ya Hon Oscar Ndayiziga yaba amaze kwitaba Imana.

Uyu mugabo niwe warushinzwe gutegura no kwishyura ingendo z’abatavuga rumwe na leta ya Nkurunziza, yari afitanye amabanga menshi na Leta ya Kigali.

Mu minsi ishize hari amakuru yashyizwe hanze na bamwe mu banyarwanda batavuga rumwe n’ubutegetsi buriho mu Rwanda avuga  ko abarundi bari muri Kigali bari mu kaga kuko Perezida Kagame agomba gukuraho ufitanye amabanga nawe wese bitewe n’amakuru avuga ko abo barundi bavuga cyane bigatuma hari amakuru menshi asohoka.

Uyu mugabo yitabye Imana aguye mu bitaro bya CHUK muri Kigali.

Umusomyi wa The Rwandan

ITANGAZO NO 003/2016 RY’UMUGAMBWE CNDD-FDD RYO KU WA 17 RUHUHUMA 2016

Ababandanya bihambirira ku vyiyumviro vy’ihonyabwoko n’ibinogo bihambwemwo abantu benshi ni abo nyene batemera ibiganiro hagati y’Abarundi na wa Mugwi ujejwe Ukuri no Kunywanisha Abarundi (CVR)

1. Mu mwaka w’1959, bamaze kunanirwa gutembagaza ubutegetsi bwariho mu Rwanda, hari abanyarwanda bamwe baciye bisukira mu Burundi gusaba ubuhungiro. Uguhunga nta kibi kirimwo kuko ivyo bishikira abantu bose bo mw’Isi. Bashitse i Burundi barakiranywe urweze, ariko rero ingorane ni uko bahejeje guhabwa ubuhungiro n’ivya nkenerwa mu buzima, izo mpunzi zaciye zitangura gukoresha amarementanya n’ububeshi ngo ubwoko bw’inkehwa bwo mu Burundi bushobora gushikirwa n’ihonyabwoko nk’abavukanyi babo bo mu Rwanda. Buhoro buhoro, abategetsi bo mu Burundi b’ico gihe be no mu myaka yakurikiye baciye bategura ingene bazokora ihonyabwoko kugira ngo bitange ubundi bwoko nk’uko babihanuwe n’impunzi z’Abanyarwanda. Ayo marementanya y’ububeshi bw’abo bashitsi yashikanye kw’igandagurwa ry’Umuganwa Rudoviko Rwagasore mu 1961, ku bwicanyi bwahitanye Umushikirangoma wa mbere Petero Ngendandumwe n’ubundi bwicanyi bwahitanye abantu benshi mu 1965 be n’ihonyabwoko ryo mu 1972-73. Ubundi bwicanyi bwinshi buzwi mu Burundi inyuma y’imyaka ya mirongo indwi gushika ubu, bwagumye bufise isano n’amarementanya mabi y’abakuru b’impunzi z’Abanyarwanda ;

2. Abiyizi muri ubwo bwicanyi n’ihonyabwoko mu Burundi, baba Abarundi canke Abanyamahanga (bafatiwe hamwe) basanga bategerezwa gufatana mu mugongo kugira ngo binyegeze ibihe vyose kugira bahunge ubutungane. Ni co kintu twama twita akagwi k’abanyepolitike b’inkorabara bama bashaka gusenyura inzego z’igihugu zitorewe n’Abenegihugu biciye muri demokarasi, ugusesa amaraso no kugandagura abantu kugira bahume amaso Abarundi n’Amakungu, gurtyo ngo abakoze ubwo bwicanyi, ihonyabwoko n’amabi yose akorwa mu gihugu ntibamenyekane. Ni nabo nyene badahengeshanya kuguma barementanya ibi na biriya, bategura ingene bo kwikurako ivyaha vy’ihonyabwoko bakoze bibaremereye mu mitima yabo, bakiyumvira na ntaryo ingene bobisuka ku mugambwe CNDD-FDD na Reta yawo. Umugambwe CNDD-FDD uributsa ubwicanyi bwinshi n’ihonyobwoko vyakozwe na Michel Micombero (ihonyabwoko ry’Abantu, Génocide physique), Jean Baptiste Bagaza (Ihonyabwoko ry’ivy’Ubwenge, Génocide intellectuel), Petero Buyoya (Ihonyabwoko rya demokarasi, Génocide démocratique) ; muri ivyo bihe vyose vy’amagorwa mu vya poritike y’Uburundi, Abanyarwanda bamwe bamwe mu bahawe ubuhungiro mu gihugu bari inyuma yavyo, mu gushira mu ngiro iyo migambi ya shetani ku mugaragaro canke binyegeje. Abo bantu rero ntibashaka kwumva vyaba ibiganiro bihuza Abarundi canke wa Mugwi ujejwe ukuri no Kunywanisha Abarundi CVR kuko bazi ko bitebe bitebuke bazomenyekana ;

3. Ntibitangaje rero kwumva Paul Kagame, umuhinga w’ivyiyumviro n’imigambi y’ihonyabwoko muri aka Karere nk’uko yabikoze iwe, adahengeshanya kugomba kubigarukana mu mateka y’Uburundi abicishije mu kwigisha no guha ibirwanisho impunzi z’Abarundi kugira ngo baje gusomborotsa no guteza ihonyabwoko mu gihugu cabo c’amavukiro. Ikibabaje ni uko uwo Kagame yibagira ko Abarundi bayamaze bati « aho yabukaranga twari musi y’urujo, canke ngo iyo bumenya umwe bwari ikindi » yibaza ko mu gutanguza imigwi y ‘abicanyi bakoresha iterabwoba mu ntara za Kayanza na Cibitoke mu ntumbero yo guhonya Abenegihugu nk’uko yabigize mu mwaka w’1994, igihe yagomorera FPR-Inkotanyi ku banyagihugu bo muri perefegitura ya Byumba muri ico gihe yabamwo abantu barenga 750.000, intambara ikarangira muri iyo ntara ya Byumba hasigaye abantu batarenga 100.000 nabo nyene bahunze. K’ubw’Ikigongwe c’Imana, ivyo yashaka ntivyabaye i Burundi, n’aho Petero Buyoya na Louis Michel baza imbere mu bipfuza ko iryo honyabwoko riba;

4. Ihonyabwoko ry’abenegihugu bo muri Perefegitura ya Byumba ntiryahagije kuko Kagame yagize incungu abavukanyi biwe mu gusotora inzego zari zirongoye igihugu c’Urwanda, abicishije mu bwicanyi bwinshi yakoze yiteze ko uruhande yasomborokeje rwivuna, ivyo navyo bikaba vyarashobotse mu Rwanda kuko Abenegihugu bacanyemwo, ariko mu Burundi bikaba vyarananiranye kuko urupfu rwa Prezida Ntaryamira Cyprien ntirwatumye Abarundi bamarana. Ikibabaje cane ni uko ivyo vyabaye igihe Umukuru w’Igihugu c’Uburundi yari avuye mu nama yabereye i Dar-es- Salaam muri Tanzaniya ku bijanye n’ibiganiro vy’Abanyarwanda vyabera i Arusha. Ivyo rero birerekana neza ko Paul Kagame, Petero Buyoya n’abo bafatanije umugambi ntibakeneye ibiganiro haba mu Rwanda canke mu Burundi. Ivyo bashaka ni ubutegetsi bw’igitugu, bwa gisirikare kandi bushingiye ku moko ;

5. Mu gihe Abenegihugu b’Abarundi bashingira ku vyiza vy’Ibiganiro Mpuzabarundi bitavangura mu ntumbero y’uko umwenegihugu wese yobijamwo akongera agaterera ivyiyumviro mu bwigenge no ku mugaragaro kugira ngo ukuri kumenyekane hongere hatorwe inyishu, ibihweba vy’ Abarundi biyoboka Kagame biguma birondera ko ibiganiro bibera hanze y’Uburundi kugira ngo bahishe ukuri kuriko kuraronderwa kuri kahise k’Uburundi, kugira noneho habeho ukugabangana ibibanza mu nzego za Reta biciye muri Reta y’imfatakibanza y’amagaburanyama. Abo bikika mu kiza bavuga ngo bashaka kurwanira Ibwirizwa nshingiro n’Amasezerano y’i Arusha ni Abahahamiye gukamisha izo nyandiko kuko bashaka ayandi masezerano asa n’ariya y’i Arusha. Umugambwe CNDD-FDD na Reta yawo ni wo wonyene uhagarariye gukingira amasezerano ya Arusha ;

6. Inyuma yo gutsindwa ku rubuga rwa poritike no mu bimenyeshamakuru ku ciyumviro co kuzana inteko mvamakungu MAPROBU, inyuma yo kubona ko Abarundi banse ivyiyumviro vy’ihonyabwoko basutswemwo n’abansi b’Igihugu, basanze bari mu mayira abiri ku buryo badashobora kwemera ibiganiro hagati y’Abarundi kuko ivyo bakoze vyohava bibatekurukana muri kwa kurondera ukuri, abansi b’amahoro n’umutekano w’Igihugu, bafashijwe n’urwaruka rwabo rwigishijwe iterabwoba mu nyigisho baronkeye mu Rwanda, bararwije amarementanya gushika aho bahenda Amakungu ngo hari « ibinogo bihambwemwo abantu benshi » bishasha mu Burundi, ko rero Ishirahamwe Mpuzamakungu ryorungika mu Burundi umugwi wo gukora amatohoza. Ivyo vyose bifise intumbero yo gusambura Umugambwe CNDD-FDD na Reta yawo kugira bishoboke ko hashingwa Reta y’imfatakibanza;

7. Nk’uko Umugambwe CNDD-FDD waheruka kubishikiriza mw’itangazo ryawo No 002 ryo ku wa 02 Ruhuhuma 2016, Uburundi ni Igihugu cikukiye kandi gifise Ubwigenge. Abenegihugu b’Abarundi barashimiye kandi Ishirahamwe Mpuzamakungu ONU kuko, mu Ngingo yaryo No 2248 yo ku wa 12 Munyonyo 2015 ryategetse ko Uburundi bwubahirizwa mu Kwikukira, Ubwigenge,Imbibe n’Ubumwe bw’Abarundi.Umugambwe CNDD-FDD urasavye iryo Shirahamwe Mpuzamakungu ONU kwemera ko Umugwi ujejwe ukurondera Ukuri no kunywanisha Abarundi ariwo urekuriwe igikorwa co kurondera ibinogo bihambwemwo abantu benshi bikwiragiye mu mihingo y’Igihugu kuva Uburundi bwikukira gushika n’ubu.Rero ,ugushaka kurungika umugwi nk’uwo wogukora amatohoza mu gihugu bidaciye muri CVR biranyegeje,imbere y’amaso y’Abarundi umugambi wo guishira mu ngiro amarementanya yagiye arategurwa kanatsinda ntihigeze haba imigwi y’amatohoza ku bijanye n’ibinogo bihambwemwo abantu benshi kuva Uburundi bwikukira. Eka n’uruhafu ruhambwemwo Umwami Ntare V, Karori Ndizeye ntiruramenyekana aho ruri, kandi Abenegihugu badahema kurondera aho ruri, ariko iryo Shirahamwe Mpuzamakungu ONU rikaba ataco ryigeze rikora kugira urwo ruhafu ruboneke, n’abo ba Buyoya, ba Bagaza na bagenzi babo bakaba banka kuvuga aho bamuhamvye. Mu gihe Umukoroni Louis Michel na bagenzi bama bavuga ko bazi neza kahise k’Uburundi, mbere n’Ububirigi bukaba aribwo bwica bugakiza mu gihe c’igikoroni mu Burundi kubera iki banka kwerekana ahashinguwe Umupfasoni wa Rudoviko Rwagasore, Incungu yo kwikukira kw’Uburundi ;

8. Nk’uko twari twabivuze mu ntango y’iri tangazo, abafise ivyo biyagiriza canke biyizi mu bwicanyi bwakozwe mu Burundi basya batazambaye ngo ukuri ntikumenyekane, ari naco gituma baguma bakora amarementanya yo kudurumbanya Igihugu, kugira ngo ntibahe akanya na gatoya Abenegihugu ko gushobora kurondera ukwo kuri biciye mu biganiro bitavangura. Kuba barakoze amarorerwa muri kahise k’Uburundi gushika n’aho Kagame atwicira Umukuru w’Igihugu cacu NTARYAMIRA Cyprien, ntibashire agati mu ryinyo kuko abakoze iryo bara bategerezwa kubibazwa ! Ukuri kurashobora kuburabuzwa ku munsi canke ukwezi, ariko kurateba kukaja ahabona. Si ugushaka kuburabuza canke kunigira mu menshi ibiganiro bihuza Abarundi, si ugushaka gutembagaza intwaro biciye mu biganiro vy’amagaburanyama vyozana Reta mfatakibanza bizotuma ukuri ku vyabaye kutamenyekana. Iyo nzira ntishika. Bamenye ko ikintu cose kifise intango n’iherezo ;

9. Umugambwe CNDD-FDD urangije iri tangazo usaba Abenegihugu kuguma batekanye kandi bafatanye mu nda, bongere baje mu biganiro mpuzabarundi kanatsinda ukuri kuzana urukiza. Umugambwe CNDD-FDD urasavye Amakungu kubandanya ashigikira ivyo biganiro bihuza Abarundi, yongere afashe mu kuronsa uburyo wa murwi CNDI kugirango ushobore no kuja kwumviriza Abarundi bari hanze, gurtyo icegeranyo uzosohora kizobe kirimwo ivyiyumviro vy’Abarundi bose.

Bigiriwe i Bujumbura, ku wa 17 Ruhuhuma 2016

Umushingamateka Pascal Nyabenda,

Umukuru w’Umugambwe CNDD-FDD.

Umuryango wa Rwigara Assinapol unejejwe no gutumira abavandimwe, inshuti n’abatahajuru bose muri gahunda yo kwibuka Umubyeyi Rwigara Assinapol basenga, bahimbaza Imana kandi bahumurizanya mu ijambo ry’Imana.

Ni ku itariki ya 20/o2/2016 guhera saa mbiri za mugitondo kugeza ni mugoroba iwe mu rugo.

Muri byose uko bisa  kose dushima Imana kuko Yesu yaratsinze.

Abaroma 8:28

Mme Rwigara Adeline

Dr Theogene Rudasingwa, umuhuzabikorwa w’ihuriro nyarwanda RNC mu ibaruwa yandikiye Perezida w’igihugu cy’u Burundi, Pierre Nkurunziza, yamushimiye we n’ishyaka rye CNDD FDD kuba barashyize ku karubanda uwishe umukuru w’igihugu cyabo, Perezida Cyprien Ntaryamira mu mwaka wa 1994.

Muri iyo baruwa Dr Rudasingwa aragira ati:

Mbandikiye mbashimira mwe ubwanyu ndetse n’ishyaka ryanyu, CNDD-FDD, kuba murimo gusaba ubutabera ku bijyanye n’ubwicanyi bwakorewe uwahoze ayoboye u Burundi, Perezida Cyprien Ntaryamira bukozwe na Paul KAGAME mu mwaka wa 1994.

U Burundi na Repubulika Iharanira Demokarasi ya Congo basabye inama y’umutekano kw’isi y’umuryango w’abibumbye ONU guha gasopo igihugu cy’u Rwanda, kiregwa kwinjiza abarundi b’impunzi mu mitwe ya gisirikare ngo bahungabanye umutekano mu gihugu cy’u Burundi. Bikaba byashyizwe ahagaragara mu mabaruwa yatangajwe kuri uyu wa gatati tariki ya 17 Gashyantare 2016.

Uhagarariye u Burundi muri ONU, Ambasaderi Albert Shingiro yasabye ko hategurwa inama ikitaraganya y’inama y’umutekano ya ONU kugira ngo hafatwe ibyemezo bya ngombwa kugira ngo habeho ingamba zatuma u Rwanda rudakomeza guhungabanya umutekano w’u Burundi.

Uhagarariye Repubulika Iharanira Demokarasi ya Congo muri ONU, Ambasaderi Ignace Gata Mavita we mu ibaruwa yandikiye inama y’umutekano ya ONU yasabye Leta y’u Rwanda kubahiriza amahame mpuzamahanga yashyizeho umukono ikanahagarika kwinjiza abarundi b’impunzi mu mitwe ya gisirikare ngo bahungabanye umutekano mu gihugu cy’u Burundi n’ibindi bijyanye nabyo. Muri iyo baruwa kandi arasaba ko Inama y’umutekano ya ONU kwamagana yivuye inyuma iyo myitwarire ya Leta y’u Rwanda.

Nabibutsa ko impuguke za ONU muri Raporo zashyize ahagaragara mu minsi ya vuba ishize zemeje ko Leta y’u Rwanda irimo kwinjiza abarundi b’impunzi mu mitwe ya gisirikare ngo bahungabanye umutekano mu gihugu cy’u Burundi ariko nk’uko bisanzwe Leta y’u Rwanda yakomeje guhakana ibyo birego.

Nk’uko ibaruwa y’uhagarariye Repubulika Iharanira Demokarasi ya Congo muri ONU ibigaragaza ngo impunzi z’abarundi iyo zimaze guherwa imyitozo ya gisirikare mu Rwanda zinjizwa muri Congo rwihishwa hakoreshejwe amakarita y’itora ya Congo y’amahimbano kugira ngo bigire abaturage ba Congo nyuma bakinjizwa mu gihugu cy’u Burundi.

Amakuru ava i New York muri ONU aravuga ko umunyamabanga mukuru wa ONU, Bwana Ban Ki-moon arimo kwitegura gukorera urugendo mu gihugu cy’u Burundi mu rwego rwo gusaba abayobozi b’u Burundi kwemera kujya mu biganiro n’ababarwanya ndetse no kwemera ukuza mu Burundi kw’abarorerezi benshi mpuzamahanga kugira ngo umutekano ushobore kugaruka mu Burundi.

Marc Matabaro

Uburyo umuhanzi KANYE WEST mu gikorwa cye cyo kwerekana imideri kizwi nka Kanye West’s fashion show yakoresheje mu kugaragaza ko yababajwe n’ubwicanyi bw’impunzi z’abahutu ziciwe i Kibeho n’inyeshyamba z’abatutsi za APR bwateye benshi kwibaza uko uyu muhanzi yamenye aya makuru ndetse n’impamvu yamuteye kuba ari bwo buryo akoresha mu kugaragaza imideli no kumurika ubuhanga bwe mu buhanzi agaragaza album ye nshya yitwa The Life of Pablo .

Bivugwa ko iki gikorwa kiswe Yeezy Season 3 cyakurikiwe n’abantu basaga 200,000,000 bityo rero uyu muhanzi akaba yaratambukije ubutumwa bukomeye kandi abantu bakaba baribajije igihe imiryango y’izi nzirakarengane izabonera ubutabera ndetse n’uko umuco wo kudahana ukomeje kuranga umuryango mpuzamahanga kandi wakagombye kubaza abayobozi b’u Rwanda bari bayoboye izo nyeshyamba ibi byaha by’intambara.

Uko biri kose ubumwe n’ubwiyunge ntibuzagerwaho mu gihe ibyaha by’intambara byakozwe na FPR bitarakurikiranwa cyangwa ngo isabe imbabazi abanyarwanda.

Ifoto yafatiwe mu kiswe Yeezy Season 3 bisa nk kwigana uburyo i Kibeho byari bimeze muri Mata 1995

Ifoto yafatiwe mu nkambi ya Kibeho muri Mata 1995 n’umwongereza Paul Lowe akaba ari nayo Kanye West yakoresheje ku rupapuro rw’ubutumire mu gikorwa yise Yeezy Season 3

Emile Ndamukunda

Ntacyo mvuze ntiteranya?

Amakuru agera kuri The Rwandan kuri uyu wa gatanu tariki ya 19 Gashyantare 2016, aravuga ko Bwana Fidèle Ndayisaba wari umaze iminsi asezeye ku buyobozi bw’umujyi wa Kigali kubera amatora y’inzego z’ibanze yagizwe umunyamabanga nshingwabikorwa wa Komisiyo y’ubumwe n’ubwiyunge.

Uyu mugabo asize amateka mu mujyi wa Kigali atazibagirana amwe muri ayo ni aya:

-Kwemera kwitirirwa icyemezo cyo gusenya inzu ya nyakwigendera Assinapol Rwigara, kandi mu by’ukuri uyu mugabo nta ngufu zo gukora icyo gikorwa yari afite iyo itegeko ridaturuka hejuru

-Kwihanukira akivuga ibigwi avuga ko mu biro akoreramo ngo yicara aho Perezida Habyalimana yicaraga, niba yarashakaga kumwigeranyaho? Niba afite inzozi zo kuzaba Perezida nawe ntawamenya?

-Gukanga abaturage avuga ko ngo azarasa ngo abajura bazafatwa biba muri ya mihanda itemerewe kugendwamo n’ibinyabiziga (car free zone)

n’ibindi….

Nyuma yo gutungwa agatoki mu kibazo cy’u Burundi, Perezida Kagame yagize icyo atangaza akoresheje urubuga rwe rwa twitter aho kwisobanura ku birego byo guhungabanya umutekano mu Burundi, yahisemo gusubiramo amaturufu ye asanzwe nka Genocide na FDLR n’ubwo atakijyanye n’igihe tugezemo.

Nabibutsa ko u Rwanda rwatunzwe agatoki n’impuguke z’umuryango w’abibumbye mu guha imyitozo impunzi z’abarundi ngo zijye guhungabanya umutekano mu Burundi zicishijwe ku butaka bwa Congo.

Ntibyateye kabiri Leta y’Amerika yungamo ivuga ko ifite ibimenyetso n’amakuru ihabwa ko leta y’u Rwanda irimo gutoza impunzi z’abarundi.

Ndetse Leta za Congo n’u Burundi zandikiye Inama y’umuryango w’abibumbye ishinzwe amahoro kw’isi zisaba ko u Rwanda rwahabwa gasopo.

Uwavuga ko ishyaka CNDD FDD riri ku butegetsi mu Burundi naryo ritoroheye Perezida Kagame na FPR ye ntabwo yaba ari kure y’ukuri kuko mu matangazo amaze iminsi asohorwa n’iri shyaka usanga hakoreshwa imvugo idaciye ku ruhande ibwiza Perezida Kagame inani na rimwe.

Ntabwo twakwibagirwa imyigaragambyo ibera mu gihugu cy’u Burundi buri wa gatandatu aho izina rya Perezida Kagame ridasiba kugaragurwa mu cyondo n’ubwo Perezida Nkurunziza asaba abaturage kwihanganira uwo mukuru w’igihugu cy’abaturanyi bakareka kumwifatira ku gahanga

Dore twitter za Perezida Kagame n’ubusobanuro bwazo ugenekereje mu kinyarwanda:

Ku bibazo biri mu Burundi, nk’umunyafurika ariko nanone nk’umunyarwanda by’umwihariko, nemeza ko amateka yuzuyemo amasomo menshi ariko abashobora kuyigiraho ari bake

N’ubwo hari ibimenyetso byinshi bigaragara, ubwicanyi bwa buri munsi bw’inzirakarengane, n’ibindi wakwibaza impamvu igisubizo cyo gutabara abantu bari kwicwa ubu cyakomeje kuba kuyobya uburari (ku bibazo nyamukuru bihari n’ikibitera).

Nta bushotoranyi uko bwaba bungana kose na bumwe (buturutse ku Uburundi) buri butume u Rwanda rwiroha muri iki kibazo… kandi nta n’umuti (w’ibibazo biri mu Uburundi) ushobora kuva muri ubu bushotoranyi u Rwanda ruri gukorerwa n’Uburundi.

Abantu bose bagerageje kugira inama abategetsi b’Uburundi, ushyizemo n’ababaga baturutse kure, inama zose batanze ahubwo zatumye ibintu birushaho kujya irudubi, umuntu ashobora kwibaza impamvu yabyo.

Gusa mbona ko umugambi (abategetsi b’Uburundi bafite) uri inyuma y’ibi byose ukubiye mu ngingo eshatu:

1. Kwita undi muntu ikibazo,

2. Kuticira abantu mu kivunge ukagenda wica bake bake kandi ahantu hanyuranye ndetse buri gihe,

3. Kurangiriza umugambi ku gisubizo cya nyuma “Final Solution” ( bishoboka ko yavugaga jenoside yo kurimbura abatutsi) nk’uko ngo biri no kuba ubu.

Iyi akaba ari nayo mpamvu nyamukuru FDRL iri mu Uburundi kuva mu ntangiriro z’ibi bibazo.

Birababaje kubona imbaraga n’ubushake bya politiki byagiye bibaho mu gukemura ibi byarahurizaga ku gisubizo kimwe, ndetse hari n’abashakaga kwegeka intandaro yabyo ku bandi ( u Rwanda) bagambiriye guha agahenge ababifitemo uruhare (abategetsi b’Uburundi).

Mu gihe ubwicanyi buzaba bwararenze inkombe , buri umwe wese ari kubazwa icyatumye adatabara abicwaga igisubizo kizaba kimwe: ntitwabimenye (ko hari ubwicanyi bungana gutya), abazabazwa impamvu batatabaye kandi bazavuga ko batigeze bamenya ko na FDRL yari mu Burundi. Bari bakwiye kuzavuga ko batashakaga kubimenya.

Icyo gihe abantu bazakomeza kungurana inama n’ibitekerezo ku mpamvu zatumye badatabara, ariko abantu bazakomeza kwicwa. Uretse ko twiyemeje ko ibyabaye bitazasubira…kandi ntibirasubira!

Muri iyi minsi, abategetsi b’Urwanda n’ab’Uburundi ntibacana uwaka. Uburundi burashinja Urwanda gutoza bamwe mu mpunzi kugira ngo bazajye guhirika ubutegetsi bwa Petero Nkurunziza. Abategetsi b’Urwanda barabihakana bivuye inyuma.

Hari impuguke z’Umuryango w’abibumbye (ONU) zivuga ko ubwo zari mu karere k’ibiyaga bigari, begereye bamwe mu bashyizwe muri icyo gikorwa kigamije guhungabanya Uburundi, babatangariza ko iyo myitozo bayihawe koko n’ingabo z’Urwanda. Leta zunze ubumwe z’Amerika (USA) zivuga ko zifite na zo ibimenyetso ko koko ibyo bikorwa byabayeho.

Ese koko iyo ni yo mpamvu yonyine yabaye intandaro y’uwo mwuka mubi cyangwa hari n’izindi mpamvu?

Ingaruka z’uyu mubano wajemo igitotsi no kurebana nabi, ni izihe?

Ese hari irirarenga ngo ibintu bigarurirwe hafi? Umuti nyawo, igisubizo kirambye kuri iki kibazo byaboneka bite?

Muri iki kiganiro, abatumirwa baratubwira icyo babitekerezaho.

Abo ni:

- Ambasaderi Jean Marie Vianney Ndagijimana
- Docteur Christian Marara
- Padiri Thomas Nahimana

Namwe kandi ibitekerezo byanyu byubaka birakenewe.

Abanyamakuru:

- Jean-Claude Mulindahabi
- Tharcisse Semana

Mu izina ry’ ISIBO y’AMAHORO mbereye umuvugizi byagateganyo, nagirango mbasabe , baba abakuru cyangwa se abato , kujya duharira icyumweru cyo kuva le 21/02/ kugeza le 28/02 bya buli mwaka gutekereza ku : “AGACIRO KA OYA”.

IMPAMVU:

1)Gatabazi Ferisiyani yitabye Imana taliki 21/02

2) Gatabazi bivugwa ko aliwe watinyutse kubwira “OYA” , nyakwigendera Habyalimana Juvenal ahagana muli 1982 igihe Hafatwa icyemezo cyo gusubiza impunzi zali iNasho muli Uganda. Yaba yaravuze ko ntawirukana umwana ujya iwabo. Ibi byamuteye ibibazo abenshi mutayobewe.

3) Gatabazi bivugwako taliki ya 05/01/1994 ahagana mu masaa saba , aliwe wenyine utaremeye icyemezo cyo kudasubira kurahiza inzego nk’uko byateganyagwa na Amasezerano y’Amahoro ya Arusha. We ngo yaba yaravugaga ko PSD niba nta bibazo ifite , nta mpamvu amashyaka adafite ibibazo atarahira abifite akazagenda arahira uko abikemura. Batashobora kubikemura inziba cyuho igakomeza batarimo. Mulibuka ko abandi bategetse Agathe Uwilingiyimana gushishimura ibaruwa ihagarika imihango yo kurahiza abadepite kandi atari abifitiye uburenganzira.( ibiri amambo bararenga aba aliwe bagira intwali !)

4)Gatabazi bivugwako Tariki ya 21/02/1994 , aliwe wenyine wanze ko amashyaka ataravugaga rumwe na MRNDD alimo MDR, PL, PSD, FPR n’utundi, akoresha umuhango wayo wo kurahiza abadepute , MRNDD italimo ku buryo bwali bunyuranije n’amasezerano y’Amahoro ya Arusha. Byumvikana ko iyo Nzamurambaho wenyine gusa amushyigikira Gatabazi ntaba yarishwe kandi natwe twese abantu bacu ntacyo bali kuba barabaye kuko “Amahano yagwiririye uRwanda 94 ntaba yarabaye.

Hali n’izindi mpamvu abantu bazi zagakwiye gutuma “OYA”iba umurage wa GATABAZI.

Mu izina ry’Isibo y’Amahoro

Mbanda Yohani

Nk’uko bitangazwa n’igitangazamakuru Igihe.com kiri hafi y’ubutegetsi mu Rwanda ngo ku mugoroba wo ku Cyumweru tariki ya 21 Gashyantarw 2016, ahagana saa kumi z’umugoroba, abantu bake bari mu Mujyi wa Kigali hafi n’ahahoze Radio Rwanda batunguwe no kubona Perezida Kagame ari kugenda n’amaguru, maze bamusaba ko bifotoranya kuko kubera ingendo nyinshi bibazaga ko wenda hari igihe azagenda ntagaruke!

Yarimo ngo agenda n’amaguru ku muhanda uva Serana Hotel umanuka ujya kuri Minecofin n’ahari icyicaro gikuru cya I&M Bank. Abaturage bitwa ko bifotoranije nawe 3/4 bari abashinzwe kumurinda! Cyane cyane ko iyo mihanda yagendagamo wagira ngo bari babanje kuyirukanamo abantu mbere y’uko ahagera!

Nta gitangaza kirimo kuko aba baturage babona Perezida gake cyane, dufashe nk’urugero rw’uyu mwaka wa 2016 nta gihe kingana n’ibyumweru bibiri yari yamara mu Rwanda kuko yabarizwaga mu ngendo iyo za Addis Abeba, Abu Dhabi, Davos, Tanger, Toronto, Houston…

Abakurikiranira hafi iby’izo ngendo ziruta iza Papa Yohani Pahulo wa Kabiri bahamya ko igihe Perezida Kagame amara mu Rwanda ari gito ugereranije n’icyo amara mu mahanga, mbese iyo ageze mu Rwanda aba ameze nk’umushyitsi!

Amakuru The Rwandan ifite ni uko mu mwaka wa 2015, Perezida Kagame yamaze mu Rwanda iminsi itagera ku 170 ku minsi 365 igize umwaka!

Mu minsi ishize hari ababyibajijeho ndetse banamwita “mobile president” nawe mu gusubiza avuga ko aba yagiye guhahira abanyarwanda! Ese igihe yahahiye ntararonka? Ese u Rwanda nta za Ambasade rugira muri ibyo bihugu? Harya kujya kwirebera imipira mu mahanga akanishyura akayabo ngo yifotoranye n’abakinnyi nabyo ni uguhahira abanyarwanda?

Ababonye amafoto ya Perezida Kagame ngo atembera n’amaguru bazi gutebya bariyamiriye bati “noneho Perezida Kagame yibutse u Rwanda narwo ararusura!” Abandi bati: “Azataha iwe mu mahanga ryari ko ari ho yibera igihe kinini?  Bamwe bati: “ariko ubundi atinya iki mu Rwanda?” Abagerageza gusesengura bati: “ntawe yizera buriya aba yagiye gukurikirana iby’imali ze ziri mu mahanga akaboneraho no kuba yibereye mu mahanga aho yizeye umutekano kurusha mu Rwanda!”

Marc Matabaro

Kuri uyu wa gatandatu tariki ya 20 Gashyantare 2016, Perezida Pierre Nkurunziza yijeje ko azahana abatuka bose Perezida Kagame n’u Rwanda!

Yagize ati: “Nihanije kandi namaganye abantu bihisha mu baturage bigaragambya maze bagatuka Perezida Kagame n’u Rwanda”. Ibyo Perezida Nkurunziza yabitangarije mu  Cibitoke.

Yasobanuye ko nta kamaro ko gutuka igihugu cy’abaturanyi cyangwa Perezida wacyo. Kuko byaba ari ukubiba urwango hagati y’abaturage b’ibihugu byombi. Ngo abaturage b’u Burundi n’u Rwanda bafite uburenganzira bwo kubaho mu mahoro no mu mutekano

Yongeyeho ko inzego z’iperereza n’iz’umutekano zigomba gukora ibishoboka ngo zifate abo bantu bashyikirizwe ubutabera.

Nabibutsa ko imyigaragambyo y’abashyigikiye Perezida Nkurunziza yabaye mu Burundi hafi mu duce twose tw’igihugu ku matariki 13 na 20 Gashyantare 2016. Abigaragambya bakaba baramaganye iyoherezwa mu Burundi ry’ingabo z’Afrika yunze ubumwe ndetse banamagana uruhare rw’u Rwanda mu guhungabanya umutekano mu Burundi. Abateguye iyo myigaragambyo bavuga ko izajya iba buri wa gatandatu kugeza igihe ibyifuzo by’abaturage bizahabwa agaciro.

Abasesengura ibibera mu karere k’ibiyaga bigari bahamya ko Leta y’u Burundi aho gukubitwa ngo itege n’irindi tama yahisemo kotsa igitutu Leta y’u Rwanda ikoresheje amatangazo y’ishyaka CNDD FDD ndetse n’ingufu za diplomasi ariko na none Perezida Nkurunziza asa nk’uwerekanye ubushake bwo korohera abamurwanya hakurwaho impapuro zo gufata ku bantu 15 barwanya ubutegetsi bw’u Burundi (uretse ko hari abemeza ko ngo abakuriweho izo mpapuro ari abahutu gusa).

Kuba Perezida Nkurunziza yaramaganye abatuka Perezida Kagame n’u Rwanda hari benshi babibona nk’umukino wa diplomasi wo rwego rwo hejuru dore ko ibyo yabivugiye mu Cibitoki aho yari yagiye mu muganda aherekejwe n’intumwa ya Amerika mu karere k’ibiyaga bigari Tom Periello ndetse n’ambasaderi w’Amerika mu Burundi.

Ubwo Prezida Kagame agiye kwerekeza muri Amerika, abanyarwanda bazasigara bibeshya ko agiye kubahahira nkuko yababwiye ubwo yasuraga Jabana umwaka ushize. Itangazamakuru ry’ Urwanda naryo ntirimenyeshwa ucyo uruzinduko rwa Prezida rugamije, bityo bigatuma abanyarwanda baguma murujijo rw’ icyo ingendo za Prezida Kagame zigamije.

Impamvu Prezida Kagame atavuga ingendo ze ariko kenshi, nuko inyinshi muri zo ziba ziteye isoni. Ubwo mu Rwanda rukinga babiri kubera inzara, Prezida Kagame n’ Umuryango we bazaba bidagadura I Boston muri Amerika, aho bazaba bataramiwe n’ Umucuranzi w’ Umunya Nigeria, IYANYA, Umunya Ghana SARKODIE, na DJ DEEMAKS. Mu mezi abiri gusa, Prezida Kagame amaze gukorera ingendo muri Dubai inshuro 2, muri Ethiopia, muri Amerika, muri Canada, I Davos mubusuwisi n’ ahandi. Mbere yo gufata indege ariko ubu ngo yigiriye inama yo kubanza kwifotoza mumujyi ngo bagire ngo ari mugihugu dore ko indege ze akenshi zihaguruka mugicuku abanyarwanda benshi basinziriye.

Prezida Kagame ategerejwe muri Texas kuwa 24/02/2016 aho azaba yakoreye uruzinduko rutari urwakazi kuko yatumiwe n’ abikorera kugiti cyabo. Azahava yerekeza ku ishuri rya Havard muri Amerika naho akaba yaratumiwe na Club y’ abanyeshuri b’ Abanyafrika biga kuri iryo shuri. Twabwira abasomyi ko Prezida Kagame ariwe Prezida wenyine uzitabira iki gitaramo nibiganiro byateguwe n’ iyi Club.

Diaspora Yasabwe Guhura Ikitaraganya

Ambassade y’ u Rwanda muri Amerika irakubita hirya no hino isaba ko Abanyarwanda baza kuganira na Kagame. Nkuko bamwe bagiye babivuga bati “ Ese nukuganira nawe iki?” Madame Mukantabana ngo akaba afite ikibazo cy’uko abanyarwanda nibatitabira ubu butumire bitazamugwa neza. Muri ubu butumwa bukurikira Diaspora irasabwa kuza kuramutsa Kagame nubwo bamwe bivovotera uku kwangiza umwanya n’ Amadollari.

“Dear Friends,
H.E President Kagame will be in Boston next Saturday February 27th, 2016. As a community, let us welcome him for a greet and meet this Saturday afternoon. The venue and exact times are to be determined. Please save the date and times for next weekend. As we get more details, we will inform you especially that there will be a registration and security check at the premises. We look forward to seeing you all.
Gaetan Gatete President – Rwandan Diaspora in USA”

Prezida Kagame na Mukantabana baringinga Impunzi zahunze Leta kwitabira ubu Butumire, nubwo bishobora gutuma bimwa Ubuhungiro (Asylum)

Ubwo Prezida Kagame aheruka Boston, hari abanyarwanda b’ impunzi biyandikishije kujya muri Rwanda-Day bikaba byarabaviriyemo gukekwaho gukorana na Leta ndetse bikanakereza dossier zabo. Ambassaderi Mukantabana yatangiye kunyanyagiza amafranga mu mpunzi hirya no hino cyane cyane izo muri leta za Michighan aho Gatete wanditse iri tangazo atuye na Maine aho bumvikanye muma audio bavuga ko hari abanyarwanda benshi b’ Imburamukoro ngo kubera uburyo Leta zaho zifasha impunzi. Mubutumwa bukurikira, murabona umwe mubanyarwanda batuye muri Maine Antione Bikamba ukorera Ambassade y’ u Rwanda yinginga abanyarwanda kujya kureba Kagame ndetse abasaba kwitwaza itike y’ amadolari 20.

“ Bavandimwe banyarwanda n’inshuti z’uRwanda batuye muri Maine; ndifuza kubamenyesha ko umukuru w’Igihugu cyacu Nyakubahwa Paul Kagame azaba ari Boston kuri uyu wa gatandatu tariki ya 27, ukwezi kwa kabiri 2016 akaba azagirana ikiganiro nabanyarwanda batuye muli New England. Mboneyeho umwanya wo kumenyesha abifuza Bose kuzitabira iki kiganiro bashobora kunyandikira kuri wattsap yanjye bwite mu rwego rwo kwirinda gutandukira amahame ya RCAM. Maze gukora reservation ya bus. Igiciro cyabo ni $995. Ubwo nukuvuga 50 personne buli muntu yishura $20. Abifuza kujyana na bus basabwe gushikiriza Antoine $20 dollar bitarenze kuwagatatu. Murakoze.”Antoine Bikamba

Mushatse kumenya amakuru yose ajyanye na gahunda ya Havard, mwareba kuri Links zikurikira.
http://www.africabusinessconference.com/
http://www.africabusinessconference.com/keynotes-1/

Jean Paul
Umusomyi wa the Rwandan