Yanditswe na Ben Barugahare

Amakuru agera kuri The Rwandan kuri uyu wa kane tariki ya 14 Werurwe 2019 aravuga ko Eric Nshyimumuremyi, umuyobozi w’ishyaka PS Imberakuri mu karere ka Kicukiro, ubu amerewe nabi cyane aho afungiye muri Gereza ya Miyove.

Amakuru dukesha bamwe mu nshuti ze n’abavandimwe avuga ko nyuma yo kuraswa ubwo yari avuye mu rubanza rwa Victoire Ingabire bashaka kumwica Imana igakinga ukuboko, yahise ahimbirwa ibyaha by’ibicurano akatirwa imyaka 10 y’ubusa, aho yaziraga ibitekerezo bye gusa.

Yaje gukurwa hafi y’umuryango we usanzwe utuye mu mujyi wa Kigali, ajyanwa gufungirwa muri Gereza ya Miyove, ubu ubuyobozi bw’iyo gereza bwaramukubise bumugira intere nyuma y’ibyo bumujugunya muri kasho ya gereza aho afunzwe yambaye amapingu amaboko n’amaguru akaba adashobora no kwinyagambura ku buryo no kurya ari ikibazo.

Amakuru akomeje kuva mu magereza atandukanye ntasiba gutunga agatoki abayobozi b’amagereza menshi yo mu Rwanda aho kwica urubozo abagororwa cyane cyane abafungiye politiki byahindutse umuco.

Muri ii iyi minsi umwuka mubi wongeye gukaza ubukana hagati ya P.Kagame na bimwe mu bihugu bituranye n’u Rwanda, by’umwihariko Uganda.

Padiri Thomas Nahimana, Perezida wa Guvernoma y’u Rwanda ikorera mu buhungiro aravuga, kuri we, impamvu abona iteza uwo mwuka mubi n’ingaruka zawo.

Padiri Nahimana anahera kuri ibyo agaha ubutumwa P.Kagame n’abandi benegihugu.

Seth Sendashonga uvugisha amagambure Paul Kagame, ni muntu ki? bamenyanye bate? Basangiye iki? Babanye bate? Batandukana bate? Yapfuye ate? Yishwe na nde?

Umuzingo w’ibice bitatu by’ikiganiro umunyamakuru Tharcisse Semana yagiranye na Mme Cyriaque Sendashonga Nakuze, aho amutubwira akatubwira n’akari imurore: Urukundo rwe na Seth Sendashonga, inzira ndende y‘ubuhunzi bwa aba bombi, imvo n’imvano y’uko Seth Sendashonga yinjiye muri FPR-Inkotanyi, uko we ubwe yagaburiye akanasasira umwishi w’umugabo we (Paul Kagame), uko FPR-Inkotanyi yaterekereye umuzimu wa perezida Habyarimana yizihiriza intsinzi yayo yo gufata ubutegetsi mu rugo rwe i Kanombe n’ibini n’ibindi…..

Yanditswe na Marc Matabaro

Amakuru agera Kuri The Rwandan kuri uyu wa gatandatu tariki ya 16 Werurwe 2019 aravuga ko bikekwa ko inzego z’ipepereza zimaze iminsi zicungira hafi urugo rwa Victoire Ingabire.

Nk’uko ayo makuru akomeza abivuga ngo hari imodoka iba irimo abantu cyangwa ntabayirimo bacungira hafi yayo bambaye gisiviri yirirwa imbere y’urugo rwa Victoire Ingabire bacunga abinjira n’abasohoka.

Iyi modoka kandi ikaba umunsi Anselme Mutuyimana yicwa yaririwe hariya yicayemo umuntu.

Kugeza ubu twandika iyi nkuru iyo modoka ifite plaque RAC813Z iracyahagaze imbere y’urugo rwa Victoire Ingabire.

Nabibutsa ko mu mwaka wa 2010 Ubwo Madame Victoire Ingabire haburaga iminsi mike ngo atabwe muri yombi, urugo rwe rwabanje kugotwa n’inzego z’iperereza mu gihe cy’iminsi itari mikeya.

Ibisubizo ku bibazo abantu bari kugeda babaza kuri #witnesschallenge

0:07 Mbese kwishyura kwanjye gufite umutekano?

0:31 Mbese nkeneye PayPal?

0:55 Mbese information / ibigize umwirondoro wanjye murabibika?

1:38 Namenya gute ko igitabo mwacyohereje aho kigomba kujya?

2:01 Ndashaka kukigura ncyoherereze umuntu ntanyuze muri WitnessChallenge

2:54 Kuki iki gitabu? Kandi ni kuki gikenewe ubu?

3:58 Ni gute nakora iyi challenge / uyu muhigo? PayPal info:

https://www.paypal.com/uk/webapps/mpp…

Please visit www.amahoriwacu.org/witnesschallenge to get involved and make your donation.

www.amahoriwacu.org

Twitter @amahoriwacu2017

Facebook.com/peaceathome

Instagram @amahoriwacu

Email: info@amahoriwacu,org

WhatsApp: +250 787 170 040

Yanditswe na Ben Barugahare

Mu kiganiro yagiranye n’ikinyamakuru New Vision cyo mu gihugu cya Uganda, umunyemali Tribert Ayabatwa Rujugiro yatangaje ko we nta bikorwa bya politiki birwanya Leta y’u Rwanda akora.

Uyu munyemali w’umunyarwanda akomeje kugarukwaho mu bibazo biri hagati y’u Rwanda na Uganda muri iyi minsi akenshi ashinjwa na Leta y’u Rwanda ngo gutera inkunga abayirwanya bo mu Ihuriro Nyarwanda RNC.

Mu mwiherero wa 16 w’abayobozi b’u Rwanda waberewe i Gabiro mu minsi mike ishize Perezida Kagame yagarutse kuri uyu munyemali Rujugiro.

Nabibutsa ko umunyemali Rujugiro afite ikigo cy’ubucuruzi kitwa Meridian Tobacco Company cyashoye akayabo karenga Miliyoni 20 z’amadolari (Miliyaridi 18 z’amanyarwanda) mu gace ka Arua mu majyaruguru y’igihugu cya Uganda.

Muri icyo kiganiro na New Vision kandi Rujugiro yavuze ko nta bufasha aha abarwanya ubutegetsi mu Rwanda kandi ngo ibyo na Perezida Kagame ubwe arabizi neza.

Rujugiro yakomeje avuga ko adakunda politiki, avuga ko yafashije FPR kubera ko yari impunzi, nta passport y’igihugu cye cy’amavuko yagiraga. Avuga ko yari afite impamvu kandi yanabonaga abavandimwe n’inshuti bariho mu buzima bubi mu mahanga nuko ahitamo gutanga ubufasha. Kuri ubu ngo Rujugiro abona nta mpamvu ihari yatuma yivanga mu bikorwa bya politiki.

Ariko Rujugiro yongeraho ko Perezida Kagame nawe abizi neza ko aramutse afashe icyemezo cyo gufasha inyeshyamba zimurwanya nta mezi 6 yashira ataramutsinda!

Rujugiro yavuza kandi ku banyarwanda benshi badashobora kwambuka umupaka ngo binjire muri Uganda baje kwishakira ubuzima no kwikorera ibindi bikorwa byabo bibateza imbere kubera ko Kagame yafunze umupaka, ngo abo Abanyarwanda ntabwo bishimye, ngo abanyarwanda amaherezo ntabwo bazakomeza kubyihanganira bazirangiriza ikibazo cya Kagame ku buryo bwabo.

Ku kibazo cy’uko Leta y’u Rwanda irega Rujugiro gufatanya n’abasirikare bakuru ba Uganda mu gushaka guhungabanya umutekano n’u Rwanda, Rujugiro avuga ko Perezida Kagame afite ibibazo bye n’abanyarwanda yagombye gukemura atitakanye abandi.

Ni mu kiganiro twagiranye kuri iki cyumweru tariki ya 17/03/2019, nyuma y’inkuru twasomye muri The Rwandan, ivuga ko muri iyi minsi hari imodoka iteye amakenga iri hafi y’aho Victoire Ingabire atuye itahava. http://www.therwandan.com/ki/rwanda-i…

Ndakangutse nibaza ku Banyarwanda, nanzura ko mundenganya ku mugani w’abarinzi b’i Kami iyo basindaga, bagasakuza ngo Sankara ararengana, atabivuze yashya mu nda kuko umuriro uba umugurumanamo.

Navuga nti muri ubwoko butagira ubwenge nk’uko byanditswe, muti ni wowe utazi ubwenge ahubwo! Icyakora ndahamya ndashidikanya ko noneho muri ino minsi mwantangaje! N’abo najyaga nkekeraho akenge, kwaheri. Yaba Kagame, yaba abamurwanya bose ni iriniri!

Muravuga ngo nizera ibintu bitabaho bidafite ishingiro, ndafitiye n’ubusobanuro. Ariko noneho muri ino minsi nabonye mufite ukwizera gukomeye cyane njyewe ntagira. Nabaye Tomasi neza neza, izina ni ryo muntu. Nashakiye uko kwizera kwanyu mu by’Imana aho gushingiye, ndaheba. Nagiye no mundagu nyarwanda ndaheba. Ntekereza kuri politiki zose nzi ndaheba, nti reka ndebe n’abanyabwenge ba kera mu bitabo banditse ndaheba. Ndavuga nti reka ndebe no mu gisirikali, ntekereze kuzo narwanye, nabwo sinagira icyo mbona. Niko kwibwira nti nshobora kuba niyemera nta kigenda kuko ibintu birimo n’abagenerali benshi, Nuko nsoma n’ibitabo, njya no mubahanga b’abayahudi mu bya gisirikali basobanura ibitangaza byabaye ku bakurambere babo mu rwego rw’ubwenge bwa gisirikali, naho mpeba kwa kwizera kwanyu aho gushingiye. Nanzuye ko niba atari kwa kwizera kutagira imirimo kw’impfabusa, ari kumwe Yesu yavuze kwimura imisozi. Muri ibitangaza niba mutarayobye!

Gusa hari umuntu umwe wumviye akanama kanjye kamwe, namugiriye ko kwigumira muri defense, agacunga izamu rye kuko ari byo ashoboye byonyine, kugeza ubwo nyirabyo azaza, nk’uko byavuzwe n’abakurambere, ngo “iyo nyirumuringa aje utega ukuboko.” Kagame we, nari nakubwiye ko uyu mwaka ari mubi kandi nguteze ahanyerera, ntiwirenganye nawe si wowe, ibintu ni bibi, uwo nteye ikinonko ntava hasi, uzajya ukosoza amakosa ayandi.

Reka ndekeraho ibyanyu nzaba mbyumva!

Habyalimana Thomas Sankara

Umunyemari Tribert Rujugiro Ayabatwa yagiranye ikiganiro kirambuye n’ikinyamakuru New Vision cya Uganda. Icyo kiganiro ikinyamakuru IHAME.org cyabahitiyemo kukibashyirira mu kinyarwanda kugira ngo mwiyumvire ibyo uyu munyemari w’umunyarwanda yatangaje. Harimo byinshi utari uzi nko kuba Tribert Rujugiro Ayabatwa yarigeze gutunga igihe kirekire nyina wa Nyakubahwa Paulo Kagame na mushiki we i Burundi abakuye Uganda.

Twagerageje kugenekereza mukinyarwanda. Ngaho tutabarambiye nimwisomere ikiganiro cyose.
New Vision: Tribert Rujugiro Ayabatwa ni muntu ki? 

Tribert Ayabatwa Rujugiro: Ayabatwa n’izina ry’ababyeyi, Rujugiro nirindi zina ryanjye Tribert n’irikirtu ryanjye. Kuko mu gihe cyacu nta biro by’irangamimerere ryabagaho ngo abana bandikwe bakivuka sinababwira neza umwaka navutseho gusa nabwiwe ko navutse ahagana 1940. Navukiye mu Rwanda ndahakurira kugeza ngejeje imyaka 19, kubera ibibazo bya politike mu Rwanda nahungiye i Burundi aho namaze imyaka 30. Mu mwaka wa 1990 nahavuye nerekeza mugihugu cya Afrika y’Epfo. Mu mwaka wa 1987 ubwo Colonel Jean Baptiste Bagaza yahirikwaga k’ubutegetsi na Pierre Buyoya narafashwe mfungwa imyaka 3 ndetse Perezida Pierre Buyoya anyambura ubucuruzi bwanjye. Mu mwaka wa 2005 natashye mu Rwanda aho namaze imyaka 4 kugeza 2009 ubwo nahavaga ngasubira mu gihugu cya Afrika y’Epfo. Ubu ntuye Afrika y’Epfo na Dubai aho mfite ibikorwa byanjye by’ubucuruzi.

New Vision: N’iki cyumwihariko cyatumye uhunga u Rwanda?

Tribert Ayabatwa Rujugiro :Nk’impunzi yari imaze imyaka 30 m’ubuhunzi numvise ko bagenzi banjye batangije intambara yo guhirika ubutegetsi bwa Nyakwigendera Juvenali Habyarimana. Bamaze guhirika ubutegetsi bwe nagerageje gutangira kubaka igihugu cyanjye muburyo bwose bwanshobokeraga. Nakoreye u Rwanda nka rwiyemezamirimo n’umucuruzi. Nafashije kubura “Chamber of Commerce”kandi nkurira ishami ryabatwara mu mahanga ibikomoka mu Rwanda (Chairman of the export angency). Nabaye umwe mubajyanama (Presidential Advisory Council) ba Perezida bamufashaga guha igihugu icyerekezo.

Uko ibihe byakomeje kugenda byagiye bigaragara ko Perezida Paulo Kagame twamwibeshyeho atari uko twamutekerezaga. Urugero: Yahindutse hafi ya bose mubayobozi bayoboranye intambara. Kuri none niwe wenyine mubayobozi batangiranye Rwandan Patriotic front(RPF) usigaye. Bamwe bapfuye imfu zidasobanutse, abandi baramuhunze bibereye m’ubuhungiro abandi babayeho mubucyene bicishijwe mu Rwanda.

Mu mwaka wa 2009, Kagame yambwiye imbona nkubone ko atageze k’ubutegetsi abiheshejwe n’uwariwe wese. Ibi byarantangaje cyane. Wibutse umubare w’abapfuye mu ntambara mu 1990-1994, imari n’imitungo byagiye bitangwa n’abanyarwanda, wibutse ubufasha twagiye duhabwa n’abantu na Leta ya Uganda, hanyuma umuntu umwe akabirenza ingohe akakubwira ko ntawe akesha kuba ari k’ubutegetsi. Nahise numva ko Umuyobozi w’igihugu cyacu atakiri umuyobozi utekereza wumva cyangwa ngo wemera kugirwa inama. Nahise mfata icyemezo cyo kuva mu Rwanda nkisubirira kuyobora businesses zanjye zari mubihugu bitandukanye bya Afrika no mubihugu by’Abarabu.

New Vision: N’uruhe ruhare wagize muri RPF mbere na nyuma y’intambara ya 1994?

Tribert Ayabatwa Rujugiro: Uruhare rwanjye mu ntambara hamwe n’abandi bashoramari rwari ngirakamaro cyane. Nafashije gutanga ibikoresho no gukusanya amafaranga. Ubwanjye nemeye gutanga imari yanjye nari mfite mugufasha RPF gutsinda intambara cyane ko icyo gihe imitungo yanjye yose yari yarafatiriwe na Perezida Buyoya i Burundi. Ariko natanze ntitangiriye itama kuko nemeraga impamvu y’intambara ya RPF. Uwari umuyobozi wa RPF icyo gihe Nyakwigendera Fred Rwigyema yari yaransabye gutanga no kuba gukangurira abandi kuyoboka no gufasha RPF. Mu gihe cy’intambara rero nabashije gukangurira abandi bashoramari n’abacuruzi nka Nyakwigendera Mico Rwayitare tubasha kwegeranya ubushobozi buhagije. Nyuma y’intambara nashoye imali mukubaka isoko rinini (shopping mall), nshora mu cyayi, mugukora inkweto, mukubaka amazu (housing estate), n’ibindi. Nashize imbaraga nyinshi mugutangiza ihuriro ry’abashoramali (Rwanda Investment Group -REG) ndetse ngirwa Umuyobozi Mukuru wayo, intego nyamukuru yacu ari ugushora mu mishinga ikomeye yatuma u Rwanda rutera imbere.

Komeza usome inkuru yose irambuye ku kinymakuru ihame.org

Yanditswe na Frank Steven Ruta

Ubusanzwe Perezida Kagame agira ingo ebyiri atahamo. Ahazwi cyane ni mu Kiyovu ho mu mujyi wa Kigali ari naho hazwi cyane ahandi afite inzu ariko atahamo rimwe na rimwe bitewe n’uko ari kure y’ibiro bye ni kuri Muhazi mu karere ka Rwamagana.

Amakuru agera kuri The Rwandan arahamya ko muri izi ngo zose nta na hamwe agitaha kubera ubwoba, ahubwo asigaye ahitamo kujya kurara i Gabiro mu kigo cya gisirikari aho aba yizeye umutakano usesuye.

Imvano y’ubwoba.

Ayo makuru avuga ko amezi abiri ashize Perezida Kagame atinya kurara mu Kiyovu no kuri Muhazi bitewe n’uko ngo yikanga kuba yaraswa isaha iyo ariyo yose bityo agahitamo kujya kuryama i Gabiro hagati mu kigo ahazwi kuba habitswe imbunda za rutura ngo bikaba byagora uwo ari wese kuhamurasira.

Uwaduhaye amakuru akomeza avuga ubwoba n’igihunga bya Perezida Kagame biterwa n’umubano utifashe neza hagati ye na Perezida Museveni aho yategereje ko Perezida Museveni yagira icyo akora cyangwa  atangaza nyuma y’uko u Rwanda rufunze umupaka ariko agaheba. Guceceka kwa Perezida Museveni ngo byaramuriye cyane kuko ngo ubusanzwe iyo yiteze amakuru k’umuntu ntayabone abura ibitotsi ndetse akarwara n’igifu nk’uko abamuba hafi babyemeza.

Nta musirikari ukuze acyizera

Kubera uburyo Kagame yagiye asezerera, akica ndetse agafunga abenshi mu basilikari bamushyize ku ntebe akabasimbuza bamwe mu bana yirereye  batagize uruhare runini mu kumushyira ku butegetsi, ngo ibi byazanye umwuka mubi hagati y’abakada ba FPR bafatanyije  n’igice cy’abasilikari b’ibigugu ku buryo Kagame ahora yikanga ko bazafatanya na Museveni bakamuhirika ku butegetsi. Ibi byose bituma atagitora agatotsi ari nayo mpamvu ahora mu nzinduko zidashira kuko asinzira neza ari uko yaraye hanze y’igihugu. 

Yanditswe na Ben Barugahare

Amakuru agera kuri The Rwandan kuri uyu wa mbere tariki 18 Werurwe 2019 aravuga ko abaturage bo mu karere ka Nyamasheke mu rukerera rwo ku cyumweru tariki 17 Werurwe 2019 babonye abantu bitwaje intwaro bari hagati ya 50 na 80 mu mudugudu wa Cyankuba Akagali ka Kagarama mu murenge wa Karambi, Akarere ka Nyamasheke.

Nk’uko umuturage utuye hafi aho yabibwiye The Rwandan ngo abo bantu bagaragaye muri ako gace bikekwa ko baje baturuka mu ishyamba rya Nyungwe ariko hari abandi baturage bavuga ko ahubwo abo bantu baciye muri uwo Murenge wa Karambi bagana mu ishyamba rya Nyungwe bavuye mu kiyaga cya Kivu aho bambukiye bava muri Repubulika Iharanira Demokrasi ya Congo.

Uretse abayobozi bo muri ako gace batinya kuvuga kubera ubwoba, abaturage bo bavuga ko abo bantu bitwaje intwaro bari bajyanye abagabo 2 ariko baje kubarekura nyuma bageze mu ishyamba rya Nyungwe, abaturage kandi bavuga ko bumvise urusaku rwinshi rw’amasasu rwamaze hafi isaha yose.

Umwe mu bantu bari hafi y’ingabo za FLN yabwiye The Rwandan ko afite amakuru ko izo ngabo ari izabo.

The Rwandan yagerageje kuvugana n’umuvugizi wa FLN, Major Callixte Sankara ngo tumenye koko niba abo bitwaje ibirwanisho bagaragaye mu Karere ka Nyamasheke ari ingabo za FLN ariko ntabwo byadushobokeye.

Yanditswe na Marc Matabaro

Amakuru ava muri Leta ya Maiwut muri Sudani y’Amajyepfo aravuga ko abasirikare b’umuryango w’abibumbye benshi bakomeretse mu mpanuka ya kajugujugu kuri uyu wa gatanu tariki ya 15 Werurwe 2019 mu gace kitwa Pagak.

Nk’uko byatangajwe na Ministre ushinzwe itangazamakuru muri Sudani y’amajyepfo, Baruach Uluch Akolaton, iyo kajugujugu y’ingabo za ONU zikomoka mu gihugu cy’u Rwanda yarimo abantu 20 abenshi muri bo ari ingabo z’umuryango w’abibumbye.

Baruach avuga ko iyi mpanuka yabaye ubwo umuderevu w’iyi kajugujugu yashakaga kugwa byihutirwa ku kibuga ahitwa Pagak kubera ikibazo cya tekiniki iyo kajugujugu yari igize.

Iyi mpanuka yabaye aba basirikare ba ONU igihe basubiraga mu kigo cyabo kiri mu gace ka Malakal nyuma yo kumara iminsi 5 mu kazi muri Leta ya Maiwut.

Baruach avuga ko umwe mu basirikare ba ONU ukomoka mu Rwanda yakomeretse cyane ariko abandi bakomeretse ku buryo bworoheje. Uwakomeretse cyane ngo yajyanywe kuvurirwa mu murwa mukuru Juba.

Iyi mpanuka ije ukwezi kumwe gusa nyuma aho iyindi kajugujugu y’ingabo za ONU zikomoka muri Etiyopiya ikoreye impanuka yahitanye abantu 3 bari bayirimo barimo n’abaderevu bayo.

FLN/ITANGAZO RIGENEWE ABANYAMAKURU n ° 2019/03/19

Ingabo ziharanira kubohoza abanyawanda (FLN – Front de Libération Nationale) ziramenyeshaabanyarwanda ndetse n’abanyamahanga ibi bikurikira :

Kuva ku wa gatanu tariki ya 15 Werurwe 2019, ingabo za FLN zigaruriye kandi zigenzura akarerekose k’amajyaruguru y’ishyamba rya Nyungwe gahana imbibi n’imirenge ya Nyamagabe naNyarauguru.

Mu ijoro ryo ku wa gatandatu tariki ya 16 Weruwe 2019, mu kiyaga cya Kivu, twahatsindiye ingaboza Leta y’U Rwanda (RDF) zishinzwe kurwanira mu mazi bituma dukomeza urugendo rwo kwaguraibirindiro byacu.

Ku cyumweru tariki ya 17 Werurwe 2019, twagabye igitero gikomeye ku ngabo za Leta y’U Rwanda(RDF) zari zikambitse mu karere k’amajyepfo agana iburengerazuba bw’ishyamba rya Nyungwe, tuzigwa gitumo tuzineshereza ahitwa i Karambi. Byatumye twinjira kandi tunoza ibirindiro by’ingabozacu mu ishyamba rya Nyungwe mu karere ka Nyamasheke.

Kugeza magingo aya, turagenzura byimbitse, nta nkomyi, imipaka y’amajyepfo agana iburengerazuba ndetse n’imipaka y’amajyaruguru y’ishyamba rya Nyungwe.

Turagira inama abanyarwanda batuye muri iyi mirenge ibiri cyangwa hafi yayo kwitonda no kwirinda kugenda ninjoro cyane mu turere turimo ibikorwa bya gisirikare.

Ingabo za FLN zongeye guhamagarira abanyarwanda gukomeza gutera inkunga uru rugambarugamije kuvanaho ingoma y’ingoyi n’agacinyizo ya Paul Kagame n’umutwe we wa FPR.

Bikorerewe i Nyabimata, Ku wa 19 Werurwe 2019

Maj. Callixte N. SANKARA

Umuvugizi w’ingabo za FLN

http://www.mrcd-ubumwe.org

Twitter: @MUbumwe
Email: contact@mrcd-ubumwe.org

Yasemuwe na Kanuma Christophe

Nyakubahwa Paul Kagame,

Abaturage ba Uganda nanjye ubwanjye turakuramutsa. Nkwandikiye nkumenyesha ko bintunguye, nabonanye n’umunyarwanda wiyemerera ko ari mu mutwe ukurwanya wigeze kumbwiraho — Rwand National Congress (RNC). Uwo ni umutegarugori uzwi ku izina rya Mukankusi, nizeye ntashidikanya ko umuzi gusa nta bundi nari narigeze mpura nawe.

Umwe mu barwanashyaka bacu wo hafi wa National Resistance Movement (NRM) yakomeje kumbwira ko hari umunyarwandakazi ufite amakuru akomeye yifuza kumpa ko ariko yifuza kumbona aherekejwe n’uwitwa Gasana nawe ufite amakuru y’ingenzi cyane yifuza kumpa. Nkimara kumva izina Gasana nahise ntekereza ko ari Gasana wanyigaga inyuma mu ishuri rya Ntare kandi umaze igihe kinini akora muri Ministeri y’Ububanyi n’amahanga ya Uganda.

Ubwo twahuraga mu minsi mike ishize naje kubona Gasana anyuranye cyane n’uwo natekerezaga, ndatekereza ko uyu mugabo nari naramubonyeho ubwo akanama k’umutekano (Security Council) kasuraga Uganda mu myaka yashize. Nahise mbabaza icyo bifuzaga kumbwira, Mukankusi yambwiye ko umugabo we, Rutagarama, yishwe n’abakozi ba Leta y’u Rwanda avugamo Nziza, Munyuza, n’abandi. Ese kuki yabyemezaga atyo? Yambwiye ko yabyibwiriwe n’abo bantu nyine. Nahise mubaza icyo yifuza ko nabikoraho kuko ibyo ari ibireba u Rwanda (internal matter of Rwanda). Yansubije ko yifuzaga kumenyesha amabi abera mu Rwanda. Yahise anambwira ko yinjiye muri RNC kugira ngo arwanye Leta iyobowe nawe kandi ko yifuzaga ko twabafasha.

Namubwiye ko tudashobora kubafasha kuko ibibera mu Rwanda bireba abanyarwanda ubwabo. Namusobanuriye ko Umuryango Nyafrika (African Union) ukora mu buryo bwa gihanga kandi usobanutse. Kwivanga mu bibazo by’imbere mu kindi gihugu gituranyi n’amakosa kubera impamvu zikurikira. Mbere ya byose ibihugu bindi ntibishobora gusobanukirwa neza ibibera mu gihugu gituranyi. Bishobora gukora amakosa menshi. Icya kabili uko kwivanga kwagira ingaruka zikomeye cyane kubikorwa bihuza ibihugu — ubucuruzi, ubuhahirane, n’ibindi. Niyo mpamvu bikwiye ko ibihugu bishyira imbaraga kubihuza ibihugu byombi cyangwa byinshi bikirinda na rimwe kwivanga mu bibera mu bindi bihugu. Mukankusi ibisubizo byanjye byamuciye intege ndetse mubwira ko nzakwandikira nkumenyesha ko twabonanye.

Gasana ku ruhande rwe yambwiye ko ntaho ahuriye na RNC ahubwo ko aje kuvugira umudamu witwa Wolfson twari twirukanye ku butaka bwa Uganda ko twamureka akagaruka gukomeza ibikorwa by’ubugiraneza. Bamwe mu bantu bacu bo muri diaspora bari barakoranye na Gasana kuri icyo kibazo. Yambwiye ko akorana n’abayahudi (Jewish Agency) kandi uko bigaragara nibo batera inkunga Wolfson.

Bwana Rujugiro yaje ukwe. Yasaga n’aho atemera icyifuzo cy’uko yagurisha ubucuruzi bwe afite hano nyamara yari yarabinyemereye. Yampakaniye yivuye inyuma ko nta mafaranga aha Kayumba anambwira ko n’ubwo yagurisha inganda ze afite muri Uganda ko ari hahandi kuko afite izindi nganda zinjiza cyane zigera ku munani muri Angola, Repubulika Iharanira Demokarasi ya Congo n’ahandi ko yaha Kayumba ku mafaranga aturuka kurizo zindi. Yampakaniye rwose ko nta mafaranga aha Kayumba cyangwa ko atari n’umunyapolitike. Yambwiye ko yafashije RPF yonyine abisabwe na Nyakwigendera Rwigyema nawe ubwawe.

Komeza usome ibaruwa yose kuri www.ihame.org

BBC yagerageje kumenya ukuri mu makuru avuga ko ku wa gatandu ushize tariki ya 16 Werurwe 2019 hari abantu bitwaje intwaro bakozanyishejo n’ingabo z’u Rwanda mw’ishyamba rya Nyungwe.

Byaravuzwe henshi ko abantu bitwaje imbunda binjiye mu Rwanda bavuye muri Kongo, berekeza iy’ishyamba rya Nyungwe maze ingabo z’u Rwanda zibasangayo.

Mu gihe abayobozi b’uturere n’abagisirikare atacyo batangaza, BBC yagerageje kumenya icyo abaturage bahegereye bumvise cyangwa babonye.

Muri urwo rwego BBC yavuganye n’umunyamakuru y’ikinyamakuru cyandikirwa kuri internet, Rwiza.com, washoboye kwivuganira n’abaturage.

Uwo munyamakuru avuga ko abaturage bamubwiye ko abantu bitwaje intwaro baje bava muri Kongo, bambuka ikiyaga cya Kivu, banyura ku kiraro cya Kirindi bagera i Nyamasheke.

Aho ngo hari kuwa gatandatu ushyira ku cyumweru, mu masaha ari hagati ya saa cyenda za saa kumi z’ijoro.

Abo baturage ngo bavuga ko umubare w’abo bantu wari hagati ya 80 n’100, bamwe bambaye imyenda ya gisivire n’amakoti ya gisirikare yo kwikinga imvura.

Bahuye n’abaturage bari kw’irondo barabafata, ariko bashobora guhamagara umukuru w’umudugudu wa Cyankuba, aje nawe baramufata bose bahita babajyana.

Bageze hafi y’ishyamba rya Nyungwe, aba bitwaje intwaro barekuye abo baturage bari bafashe basubira inyuma bajya kubwira abashinzwe umutekano b’u Rwanda ibyabaye.

Abashinzwe umutekano bahise basubirana inyuma n’abo baturage, ngo bajye kubereka abo abitwaje intwaro binjiriye ishyamba rya Nyungwe, bahageze haba kurasana umuturage umwe ahasiga ubuzima. 

Abo baturage babwiye kandi umunyamakuru wa Rwiza.com ko abayobozi bahise batangira kubahumuriza babizeza ko umutekano wabo urinzwe.

None se koko habaye ukurasana?

Umunyamakuru wa Rwiza.com yabajije icyo kibazo abaturage, bamwemerera ko amasasu bayumvise, ko n’ejo hari ayo bumvaga ariko havuga rumwe rumwe.

Kugeza ubu ariko ngo umutekano urahari, naho haboneka abashinzwe umutekano benshi hafi y’ishyamba rya Nyumwe.

Umushoferi yavuganye n’uyu munyamakuru wa Rwiza.com, asanzwe agenda inzira y’ishyamba rya Nyungwe, yamubwiye ko bahita nta kibazo ariko ko hagaragara abasirikari benshi b’u Rwanda.

Abo bitwaje intwaro baba ari bande?

Kugeza ubu ntibyoroshye kubimenya, kiretse itangazo ryakwirakwijwe ku mbuga nkoranyambaga rivuga ko umutwe wiyita MRCD (Mouvement Rwandais pour Le Changement Democratique).

Iryo tangazo rivuga ko kuva itariki ya 15/03/19, uwo mutwe ugenzura akarere k’amajyaruguru y’ishyamba rya Nyungwe.

Uwo mutwe wigambye igitero, umuvugizi wawo Callixte Sankara akaba yabwiye BBC ko ngo basanzwe bafite ibirindiro mu Rwanda.

Yavuze ko ibyabaye ari uko basohotse ishyamba ku ruhande rwa Nyamasheke, bagiye kureba abasirikari bari bahashyizwe.

BBC yagerageje kuvugana n’igisirikari cy’u Rwanda batubwira ko ata kintu na kimwe bashobora kubivugaho.

BBC