Quantcast
Viewing all 10369 articles
Browse latest View live

ITANGAZO RYO KWIHANGANISHA FDU-INKINGI N’ABANYARWANDA BOSE.

Banyarwanda, banyarwandakazi, 

Nyuma y’inkuru y’incamugongo y’iyicwa ry’umurwanashyaka wa FDU Inkingi Anselme MUTUYIMANA, ishyaka Ishema ry’u Rwanda, ryihanganishije abanyarwanda bose bakunda igihugu cyabo kandi bagishakira ineza. Cyane cyane ariko, abataripfana, twihanganishje abarwanashyaka b’ishyaka FDU Inkingi, by’umwihariko umuryango wa nyakwigendera, intwari Anselme MUTUYIMANA.

  1. Abanyarwanda benshi bakomeje guhohoterwa no gucuzwa ubuzima n’inzego z’iterabwoba za FPR Inkotanyi ziyitirira inzego z’umutekano kandi mu by’ukuri arizo zihungabanya umutekano w’abanyagihugu.
  2. Nk’uko bimaze kugaragarira abanyarwanda ndetse n’abanyamahanga ba hafi n’aba kure, FPR Inkotanyi ikomeje gukoresha iterabwoba rishingiye ku ntwaro n’iyicarubozo nk’uburyo bwo gucuza abenegihugu uburenganzira bwabo no kwikubira ibyiza byose by’igihugu.
  3. Mu myaka 25 y’akarengane, iyicwarubozo n’iterabwoba bidashira, abanyarwanda bakomeje kugaragariza FPR ko n’ubwo bwose ibakandagiye ku gakanu, batazigera bahwema guharanira uburenganzira bwabo mu buryo bwose bushoboka kugeza bivunnye umubisha.
  4. Ishyaka ishema ry’u Rwanda riboneyeho gushimangira ko inzira y’amahoro ariyo yonyine ishobora, icyarimwe, gutsinsura inkoramaraso za FPR Inkotanyi, ikanagarura ituze n’ubwunvikane hagati y’abana b’u Rwanda. Tukaba tuboneyeho kandi gushimangira ko abishe Anselme MUTUYIMANA batishe ingufu n’ubushake bye byo kurwanya karengane no guharanira ineza rusange, ko ahubwo bashimangiye ingufu nke zabo imbere y’umwenegihugu uharanira uburenganzira bwe mugihugu cye.
  5. Banyarwanda banyarwandakazi dukunda igihugu cyacu kandi tukifuriza amahoro n’ituze hagati y’abana bacyo, nimucyo duhagarare twemye turwanye akarengane twivuye inyuma bitubere intambwe y’ibanze yo guharura ikibanza cyo kubakiraho ejo hazaza h’u Rwanda abanyarwanda twese twiyumvamo.
  6. Turasaba FPR Inkotanyi kwakira ibitekerezo bijyanye n’igihe tugezemo ikareka gukomeza gutsimbarara ku mitekerereze ishaje yo kumva ko ishobora kumara inyota abanyagihugu bafite yo guharanira uburengazira bwabo ikoresheje iterabwoba. Tukaba twibusta FPR ko ababigerageje bose mu mateka ya muntu barangiye nabi kandi batsinzwe.
  7. Turibusta kandi FPR inkotanyi ko twese turi abana b’u Rwanda, bityo ko kumva ko bashobora gukemura ibibazo bamenamena amaraso y’abavandimwe babo ari ukwibeshya, ahubwo bari kwandika amateka mabi y’inyongera azakurikirana ejo hazaza h’abanyagihugu.
  8. Twifurije iruhuko ridashira Anselme MUTUYIMANA; ingufu z’ubushake bwe zisigare nk’inyenyeyeri imurika mu kirere cy’icuraburindi n’amacakubiri by’amateka y’u Rwanda.  

Bikorewe Montreal tariki ya 11/03/2019

Nadine Claire KASINGE

Présidente

Ishyaka Ishema ry’u Rwanda


Sankara ati Leta y’u Rwanda yadusabye imishyikirano turanga!

Uburyo abanyarwanda binjira muri Uganda badaciye ku mupaka

Abayoboke ba FDU Inkingi bongeye kwitaba urukiko

Victoire Ingabire, Me Bernard Ntaganda n’abandonnez bari bitabiriye urubanza rw’abayoboke ba FDU-Inkingi

Rwanda: Dusobanukirwe uruhare nyarwo Ubufaransa bwagize mu gihe cy’intambara na Jenoside

Ese mu by’ukuri, ni uruhe ruhare igihugu cy’Ubufaransa cyagize mu ntambara na jenoside mu Rwanda hagati y’1990 n’1994?

Byose ntawabiva inyuma mu kiganiro kimwe, ariko bimwe mu bisubizo biratangwa n’abatumirwa hano.

Ibindi na byo tuzabigarukaho mu gihe cya vuba.

Ni mu kiganiro twagiranye na:

-Amb. JMV Ndagijimana (yari ahagarariye u Rwanda mu Bufaransa kuva 1990 kugeza muri Mata 1994)

-Marc Matabaro, Umwanditsi mukuru wa “The Rwandan”

DORE IMPAMVU NDUHUNGIREHE OLIVIER ARI GUTINYA KUVUGA AMB. GASANA EUGENE MU IZINA.

Umwe mu bidishyi b’intore izirusha intambwe, Olivier Nduhungirehe (wiswe na Shebuja Kagame “Nduhungiriki” ubwo yasuraga intore-hamwe zo mu Bubiligi) nkuko ahorana udushya ku mbuga nkoranyambaga, yatinye kuvuga Ambasaderi Gasana Eugene Richard mu izina, maze avuga ko mu bo Perezida Museveni aherutse kwakira mu Biro bye, harimo Umuyobozi wundi yise “ UMUGABO MUREMURE”Image may be NSFW.
Clik here to view.
😂
Image may be NSFW.
Clik here to view.
😂

Hahh akabi gasekwa nk’akeza, sinari nzi ko Nduhungiriki atinya nabo Shebuja yita ibipinga/ibigarasha/ibirayi biboze n’ibindi bitutsi byinshi batuka ubabwije ukuri, cyangwa uwitandukanije n’amabi bakora.

Dore impamvu nkeka zatumye, Nduhungiriki atsinda izina rya Gasana Eugene, nkaho ari umukazana utsinda utsinda izina rya SebukweImage may be NSFW.
Clik here to view.
😂
Image may be NSFW.
Clik here to view.
🙅🏽
Image may be NSFW.
Clik here to view.
♀
:

NDUHUNGIRIKI YEMERA KO AMB. GASANA YAMUBANIYE NEZA, IGIHE YAMUYOBORAGA MURI LONI

Umwe mu nshuti za hafi za Nduhungiriki yatanze amakuru ko uyu Olivier yemeraga cyane Umuyobozi we wari umukuriye muri Ambasade y’u Rwanda muri LONI. Kubera uburyo bwiza yamubaniye kandi amukuriye, na n’ubu Olivier yumvaga ko Shebuja wa kera azagaruka gutera ibipfukamiro kwa Kagame! Niyisure, burya si buno!

NDUHUNGIRIKI AZI KO KUVUGA IZINA GASANA EUGENE, BIRYA MU MUTWE KAGAME, KUBERA AMABANGA Y’URUGO RWE YAMENETSE… NTIYABIROTA…

Nduhungiriki azi neza umujinya w’umuranduranzuzi Shebuja Kagame yibitsemo. Azi kandi inkuru yagiye hanze y’amabanga y’urugo rwe ajyanye n’iri zina rya Amb. Gasana Eugene… yanze kuvuga izina rye rero amwita “UMUGABO MUREMURE” haahh si uko atazi uko yitwa cyangwa se yibagiwe amazina ye. OYA!! Ahubwo nabonyemo no gushaka guteza abantu amatsiko ngo bakomeze bashake uwo “mugabo muremure” ndetse banibaze impamvu atsiinda izina rye!! Uritonde Nduhungiriki kuko Kamege ashobora kuguca hejuru…

INTORE MU MAYIRA ABIRI…

Umubonano wa Perezida Museveni n’impunzi zahunze ubwicanyi bwa Kamege, wateye ubwoba intore. Zimwe muri zo zari zizeye ko Amb. Gasana Eugene ari mu banyabwoba bahora mu nzu, nyamara izo ntore zasanze ahubwo ashobora kuba agera no mu baturanyi kandi akakirwa mu rugo rwa mbere!

Ku mbuga nkoranyambaga, izo ntore ntizahishe agahinda no kwibaza byinshi…

Ese muribaza byinshi ku yihe mpamvu? Muzizirika ku mwicanyi, muzasarura ibyo mwabibye! Mupandure ubwo bwato bwa Muvoma-Rupiyefu, kuko ubuyoboye Kagame, yamaze kwiheba, atabasiga icyasha mbere yo kubaroha.

Abwirwa benshi, akumva bene yo.

Umukunzi w’ukuri.

Uganda yimye inzira indege yari icyuye abasirikare b’u Rwanda bava muri Sudani.

Yanditswe na Frank Steven Ruta

Amakuru agera kuri The Rwandan ava ku musirikare w’u Rwanda uri mu butumwa bw’amahoro muri Sudani aravuga ko igihugu cya Uganda cyabujije Indege yari icyuye abasirikare b’u Rwanda gukoresha ikirere cyayo.

Uyu musirikare yakomeje avuga ko byabaye ngombwa ko urugendo rwari kujyana abo basirikare b’u Rwanda i Kigali rusibira!

Andi makuru agera kuri The Rwandan avuga ko uru rwikekwe ruterwa ahanini n’uko Leta ya Uganda idashira amakenga ingendo z’indege za gisirikare zigana mu Rwanda dore ko havugwa ko ubu Leta y’u Rwanda irimo kureba uburyo yakura intwaro za rutura mu gihugu cya Etiyopiya aho yazibitse ngo irebe ko yazazitabaza mu gihe yakozanyaho na Uganda.

Nyuma y’aho Ministre w’intebe mushya wa Etiyopiya atangiriye amavugurura agana kuri Demokarasi, ubu hari impungenge ko yasaba u Rwanda gushaka ahandi rubika izo ntwaro zarwo rutura ziba muri Etiyopiya akenshi mu rwego rwo kuzihisha ibihugu bitera inkunga u Rwanda nk’igihugu gikennye.

Uburyo Leta y’u Rwanda yakoresheje ibaruwa ya Museveni mu gukwiza ibinyoma!

Yanditswe na Marc Matabaro

Muri iyi minsi abantu benshi bumvise ibaruwa Perezida w’igihugu cya Uganda, Yoweli Kaguta Museveni yandikiye Perezida w’u Rwanda, Paul Kagame, ariko ntabwo bamenye uburyo Leta y’u Rwanda yayikoresheje mu gutekinika.

Nk’uko byagaragaye ibaruwa Perezida Museveni yandikiye Perezida Kagame yashyizweho umukono tariki 10 Werurwe 2019, igitangaje ni uko abohererejwe iyo baruwa (ndavuga aha Perezida Kagame na Leta ye) aho kuyisubiza ahubwo bayikoresheje mu gusebya Perezida Museveni.

Ikinyamakuru kiri hafi y’ubutegetsi bw’i Kigali kitwa igihe.com ku wa 15 Werurwe 2019 cyatangaje inkuru cyise: Perezida Museveni yagiranye ibiganiro n’umwe mu bayobozi ba RNC byamusize amwenyura maze muri iyi nkuru kivuga ko Perezida Museveni wa Uganda yakiriye Ambasaderi Charlotte Mukankusi, umuyobozi ushinzwe dipolomasi mu ihuriro nyarwanda (RNC) icyo kinyamakuru kikaba kivuga ko iyo nkuru kiyikesha ikindi kinyamakuru kitwa Virunga Post (nyamara Virunga Post na igihe.com ni bimwe kuko adresse yatanzwe Virunga Post ishyirwa ku murongo wa internet ari iya Igihe.com yo mu nzu ya Eliab Ndamage i Kigali!)

Ni ukuvuga ko abayobozi b’i Kigali bafashe ibyo Perezida Museveni yandikiye Perezida Kagame babishyira mu binyamakuru babeshya ko ari amakuru bavumbuye! Nyamara birinda kuvuga ku byo Ambasaderi Mukankusi yabwiye Perezida Museveni ko yiciwe umugabo na Nziza na Munyuza ndetse banirinda no kuvuga kuri Ambasaderi Eugène Richard Gasana wavugwaga muri iyo baruwa nawe (uretse Olivier Nduhungirehe washatse gushyuhaguzwa)

Image may be NSFW.
Clik here to view.
Iyi commentaire yanditswe ku Tariki ya 16 Werurwe 2019

Bigaragare ko Leta y’u Rwanda yirinze kuvuga kuri Ambasaderi Eugène Gasana nkana kuko itifuzaga ko izina rye rigaruka mu bitangazamakuru no ku mbuga nkoranyambaga dore ko bitera benshi kwibaza icyo Ambasaderi Gasana yapfuye na Perezida Kagame bigakurura amagambo menshi rimwe na rimwe abuza gusinzira ab’iyo ibukuru.

Rero Perezida Museveni nawe abonye ko ibaruwa yandikiye umukuru w’igihugu mugenzi we yahindutse inkoni yo kumukubitisha nawe yayayihaye ikinyamakuru cya Leta ya Uganda kitwa New Vision cyo kiyitangaza by’umwimerere kugira ngo amazimwe ashire ku itariki ya 19 Werurwe 2019.

Leta y’u Rwanda ntiyagarukiye aho ahubwo yashinje Leta ya Uganda guha Ambasaderi Mukankusi passport y’igihugu cya Uganda, ariko igisekeje Passport berekenye mu binyamakuru biri hafi y’ubutegetsi bw’i Kigali ngo yahawe Ambasaderi Mukankusi byagaragaye ko ari inyiganano ikoranye ubuswa bwo mu rwego rwo hejuru.

Ubu noneho ikigezweho i Kigali n’ikimeze nk’umukino cyo gucura amafoto yerekana za passport ngo zatanzwe na Leta ya Uganda ngo iziha abanyarwanda. Ubu igaragara mu kinyamakuru kindi kirihafi y’inzego z’iperereza kitwa Rushyashya ni iya Major Protais Mpiranya. Igisekeje na none kinagaragaza ubuswa buteye agahinda ni uko ifoto yakoreshejwe batekinika iyo passport bitirira Major Mpiranya, iyo foto imeze neza neza nk’imaze imyaka irenga icumi igaragara ku mbuga za Interpol cyangwa z’urukiko mpanabyaha rw’Arusha rwari rwarashyiriweho u Rwanda!


Eric Nshimyumuremyi yimuriwe mu yindi gereza kure! Inshuti ze ziracyatabaza

Inshuti za Eric Nshimyumuremyi zivuga ko muri iyi minsi yakorewe ibikorwa by’iyicarubozo aho yari afungiye muru gereza ya Miyove.

None, ngo uyu munsi yimuriwe muri gereza ya Rubavu. Ni kure kurushaho, ugereranyije n’abashobora kumugeraho ngo bamugemurire kuko ngo arwaye cyane kandi akaba akeneye ingemu y’abashobora kumwitaho.

Inshuti ze zikomeje kumutabariza kuko ngo zitanizeye ikimutegereje mu gihome kindi.

Polisi y’u Rwanda yagize icyo ivuga Ku bajura bakomeje kuraswa

Perezida Macron ntabwo azitabira umuhango wo kwibuka Genocide ku nshuro ya 25

Yanditswe na Ben Barugahare

Amakuru atangazwa na Radio Mpuzamahanga y’Abafaransa (RFI) aravuga ko Perezida w’u Bufaransa, Emmanuel Macron atazitabira umuhango wo kwibuka Genocide yo mu Rwanda ku nshuro ya 25 uzabera i Kigali ku itariki ya 7 Mata 2019.

Nk’uko ayo makuru akomeza abivuga ngo Perezida Macron azahagararirwa muri uwo muhango n’umudepite witwa Hervé Berville, ufite inkomoko mu Rwanda, akaba ari imfubyi yarezwe n’ababyeyi b’abafaransa bamukuye mu Rwanda mu 1994.

Leta y’u Rwanda yabujije abaturage bayo kujya mu gihugu cy’u Burundi.

Inzego zishinzwe umutekano mu Rwanda zirasaba abaturage b’Abanyarwanda begereye umupaka n’Uburundi kwirinda icyatuma bakora ingendo bajya muri icyo gihugu.

Mu kiganiro cyahuje ku wa gatatu umukuru w’ingabo mu ntara y’uburasirazuba ndetse n’umuyi wa Kigali, Jeneral Mubarak Muganga, ari kumwe na guverineri w’iyo ntara n’abaturage abo bayobozi basobanuye ko nta mpamvu ihari y’abanyarwanda kujya mu Burundi mu gihe umubano n’icyo gihugu utifashe neza.

Jenerali Muganga yasobanuye ko iri shyamba rishobora kwifashishwa n’abagizi ba nabi ko kuri ubwo; uwari we wese uzarifatirwamo atazihanganirwa.

Ku ruhande rw’abaturage begereye umupaka w’Uburundi, benshi bemeza ko batakwerekeza muri icyo gihugu,ko ahubwo usanga Abarundi aribo bambuka.

Kuva aho umubano w’u Rwanda n’Uburundi uziyemo agatotsi,ni bwo bwa mbere inzego zishinzwe umutekano z’u Rwanda zigira inama abaturage kutajya mu Burundi.

Iki cyemezo kije gikurikira igiherutse gufatwa na Leta y’u Rwanda kibuza Abanyarwanda gukora ingendo mu gihugu cya Uganda. Leta y’u Rwanda isobanura ko Abanyarwanda bagiye Uganda bahura n’ihohoterwa.

FLN irasaba abaturage kwirinda kujya ku marondo ya nijoro.

FLN/ ITANGAZO RIGENEWE ABANYAMAKURU, N ° 2019/03/21

Ingabo ziharanira kubohoza abanyarwanda (FLN) ziremeza ko Jenerali Paul Kagame yategetse ingabo ze za kabuhariwe (special forces) kwibasira ba mukerarugendo ndetsen’abaturage bibereye mu mirimo yabo ya buri munsi. Yasabye kandi ko ibitero byagabwa kumacumbi y’abanyeshuri ndetse no ku banyerondo kugira ngo abyitirire ingabo za FLN mu rwego rwo kuzangisha abanyarwanda ndetse n’amahanga.

Twamenye kandi ko yasabye inzego z’umutekano kwangira abanyamakuru mpuzamahangan’abandi bigenga kugera muri pariki ya Nyungwe no mu nkengero zayo. Amakuru yizewearemeza kandi ko abaturage ndetse n’abayobozi batemerewe kuvuga ibyerekeranyen’imirwano irimo kubera muri ako karere.

Kubera iyo mpamvu, ingabo za FLN ziramenyesha abanyarwanda, cyane abakora mubukerarugendo, mu gutwara abantu n’ibintu, abafite abana mu macumbi y’abanyeshuri mu ntara y’amajyepfo n’iy’iburengerazuba ndetse n’amahanga ibi bikurikira :

  • Jenerali Paul Kagame n’inzego ze z’umutekano bongereye abasirikare benshi ndetse bubura imirwano mu majyepfo y’iburengerazuba bw’u Rwanda mu turere dukurikira : Nyaruguru, Nyamagabe, Rusizi, Karongi no mu ishyamba rya Nyungwe. Kuva uyu munsi tariki ya 21 Werurwe 2019, FLN iremeza ko ari akarere k’imirwano.
  • Ibikorwa byose by’ubukerarugendo muri pariki ya Nyungwe nta mutekano bifite, bigomba guhagarara.
  • Imihanda RN6 (Kigali-Nyamagabe-Rusizi) na Karongi-Nyamasheke-Rusizi irafunze.
  • Amarondo ya ninjoro akorwa n’abaturage agomba guhita ahagarara.

Turasaba akanama k’Umuryango w’Abibumbye gashinzwe amahoro ku isi gushyira imbaragamu bikorwa byo guhagarika ubwicanyi n’iyicarubozo Paul Kagame n’ingabo ze bagirira abaturage batuye muri aka karere k’imirwano nta yandi mananiza. Hagomba kandi kubaho byihutirwa iperereza ryigenga kuri ibi byaha ndengakamere byibasiye abanyarwanda.

Mu nyungu z’umutekano w’abaturage n’imitungo yabo, ingabo za FLN zirabasaba kwirindaingendo mu ntara y’amajyepfo n’iy’iburengerazuba.

Turasaba abanyarwanda n’abasura u Rwanda kwitonda no gukora ibishoboka byose ngobajye kure y’akarere k’imirwano.

Bikorewe i Nyabimata, ku wa 21 Werurwe 2019

Maj. Callixte N. SANKARA

Umuvugizi w’ingabo za FLN

IMICUKO YANJYE IRUREBERA IYO RUTERWA INKINGI!

Mu ntambara ya APR 1990-1994, natangiriye muri unit yitwaga LIMA mobile force, ibangikanye na CHARLIE mobile force, aho twabaga muri gahinga, tuza kwimukira Butaro. LIMA yari ikuriwe na Afande Gashumba John, umugabo wari imfura cyane akaba n’umurwanyi w’umuhanga, wajyaga adutabara byadukomeranye, akazana na escorts ze mu gihe Adui yaturushije amaboko. Ni nawe musirikali wenyine wankubise, kandi ankubita incuro 2 mbikwiriye, kandi ubwa gatatu nahuye nawe arampobera nabwo mbikwiriye. Ubusanzwe twari twaranaruhanye, igihe twikorera Afande Sebowa, ibirunga byose, jye nawe tugenda tumwakuranwa yarashwe.

Ubwa mbere ankubita, umusirikali yaratorotse baramufata, bamuzana imbere y’abandi basirikali bati nimumukatire ibihano. Gashumba amubajije izina rye amubwira ko yitwa Mututsi! Nawe aratangara, ati usebeje ubwoko si wowe wari ukwiye gutoroka! Nuko abasirikali bamukatira inkoni 400, ariko Gashumba aranga amugenera 100. Bahitamo umuntu ugomba kuzimukubita, hatorwa jyewe, kuko najyaga ntanga morali mbabuza gutoroka. Aryama hasi ngikubita inkoni 2, Gashumba arampagarika, ati si uko bakubita. Ankubita za nkoni 2 arambwira ati mukubite umubabaze nkuko ubabaye, kandi numara kumukubita 100 umwongere n’izi 2 ngukubise kuko amakosa ye ari yo atumye ukubitwa.

Ubwa kabiri ankubita nari nagiye mubaturage ba Uganda kwigurira isupu y’amasaka, ntaha nadabagiye nanezerewe, ukuboko kumwe gufashe grenade ukundi gufashe agacuma kuzuye, nshyiriye inshuti zanjye. Nuko ngwa aho Gashumba yategeye abasirikali bagiye mu giturage kunywa umusururu. Escorts be bagerageza kunkiza, bancira amarenga ngo ninyurire hirya, ariko kuko nari nezerewe cyane, sinabitaho. Gashumba aba yambonye, ati tanga ako gacuma ,abahungu be batangira kwinywera, mbaha na grenade, ndarambarara bankubita inkoni 20, bansubiza grenade yonyine nditahira.

Ubwa gatatu nahuye nawe arishima arampobera, nyoberwa ibyaribyo. Aravuga ngo” igisajja cyanje bari bambwiye ko wapfuye!” Icyo gihe Adui yaturashe turi kumbunda nini, abantu bose bari aho babona bikomeye bariruka, n’abarasaga iyo mbunda bariruka. Nanga kwiruka nyisigaraho, bageze inyuma y’agasozi barambura, kandi Adui ari kuhamena amabombe, bagirango napfuye, nsigara kuri ya mbunda ndwana jyenyine, kugeza ubwo Adui yirutse kuko narindi gufasha abasirikali bacu bari imbere ba infantry.

Ibi byose ndikubivuga ngenda nerekeza kuri petit frere Sankara Callixte. CHARLIE mobile force navuze hejuru, yarikuriwe na Afande Mico wakomokaga hariya ba Sankara bavuga barwanira, ahitwaga Rwamatamu na Kirimbi. Ubwo LIMA na CHARLIE twavaga mu Birunga tugeze Butaro, hari agasozi kitwaga Rwabutama, CHARLIE ni yo yakarwaniragaho buri gihe, ariko yamara kukirukana ho Adui, nyuma y’iminota 30, akongera akagasubirana. Bigahora gutyo, twari twarananiwe kukagumana. Umunsi umwe, abasore bagera ku 8 gusa, bagenda ari nijoro basubiye kugatata, Adui abikanze ahita yiruka, commanda wabo abwira abasirikali be ati: Sha ko abana barwana bajya iwabo, turababuriza iki? Bahita bigendera, Rwabutama ifatwa nta mirwano, n’imbunda nyinshi bazita aho barigendera.

None kuki abantu bari hanze y’igihugu aribo babuza abana gutaha? Yego nyine nanjye sinshyigikiye bene izi ntambara, ariko abana baba bari kwitoza, uko bagenda basitara niko bagenda bamenya ubwenge, bakamirika. Umunsi bazibuka ko n’abasaza hari ibyo dushoboye, bazatwibuka tubereke uko intama zambarwa.

Nabonye abantu batinda ku magambo ya Callixte Sankara, ngo yavugiraga ahantu hacecetse, ariko aho yavugiye hose, amagambo ye yarutaga igitero cya batallon yose. Uriya musore azi gutanga morali, iriya ni yo mico y’umukomanda wuzuye. Nubwo Sankara yanga Ibingira, ariko mugutanga morali barasigiye. Ibingira ni we musirikali ushobora kumvisha abasilikali icyo andi ma commanda yose yananiwe kubumvisha kandi akabibumvisha mukanya gato. Ni we musirikali wabwiriye ingabo mu Mutara, ati turagenda tunyure iKibungo, dusimbukire Bugesera, turasukire Gitarama na Butare. Uko abibabwira atambuka nabo bagatangira kumva za rasoro/springs mu maguru, kandi bikaba uko yabivuze. Nuriya musore rero Sankara, abatazi intambara mumenye ko ijwi rye ririmo igitero gikomeye ku babisha, rikaba morali ku ngabo arimo. Akwiye kandi kugumya avuga, abo avugira bakamwumva uyu munsi n’ejo hazaza, isi igahora yumva ikibazo cye, kdi ngo “utagira nyirasenge arisenga!”

Abavuga ko bariya batari muri Nyungwe, ni akazi kabo. Aho baba bari hose, icyangombwa nuko akazi gakorerwa kubutaka bw’u Rwanda. Mwikwiha guhakana ibintu, inyeshyamba zigira strategies zazo. Ababaye muri APR sinavunika mbasobanurira, ntacyo mutabonye, kandi abashinzwe kugenzura impande zombi zarwanaga babyemezaga 100% uko tubishaka kdi tutanabahaye ruswa. Kubera twakoreshaga ujanja wa polini/ubwenge bwo mw’ishyamba. Niba se abaturage bavuga ko bababonye mu gihugu imbere, mwebwe mwabihakana nka nde n’amasasu avuga?

Ngo umutwe wa FLN ntuvugwa, ngo havugwa RNC na FDLR. Nanjye ndi Kagame sinavuga FLN, ariko RNC na FDLR nabivuga ye! Ntacyo biba bitwaye. Kdi koko nta n’icyo batwaye, RNC bavugako commanda wayo arindiwe SA, abasirikali babandi bo kurugamba bakumva ko ikibazo cya RNC na FPR ari ikibazo cy’amatiku y’abavandimwe. FDLR yo abantu bahita bumva ko ari Interahamwe, ruvumwa kandi n’isi yose akaba ariko ibizi. Kagame iyo afashe RNC akayongeraho FDLR, na wawundi wangaga kwivanga mu bibazo by’abavandimwe ahita abona ko bikomeye kuburyo ntabwo biba byoroshye kubyirengera.

Naho Sankara iyo ari hariya, abantu baravuga bati hari yo umwana wacu. Na wawundi uvuga ngo yifatanije n’abana b’interahamwe, ntabura kubona ko ari akagabo. Ati umwana ni uwacu. Kandi nawe urebye usanga abamushyize imbere barabaze neza. Nimureke abana bigeragereze bitoze kumasha, nawo ni umuco, kdi bigira icyo bikangangara ho. Ntiwabuza umwana ushaka kujya iwabo ngo bizaguhire, n’iyo atagukubita, yagucira mu maso cyangwa akakuvuma.

Habyalimana Thomas Sankara

Gen Emmanuel Habyalimana yagaragaye mu myigaragambyo yo gushyigikiya Martin Fayulu.

Yanditswe na Ben Barugahare

Amakuru agera Kuri The Rwandan ava i Paris mu Bufaransa aravuga ko Gen Emmanuel Habyalimana wahoze ari Ministre w’ingabo mu Rwanda yagaragaye mu myigaragambyo yo gushyigikira Bwana Martin Fayulu yabereye i Paris mu Bufaransa ku wa gatandatu tariki ya 16 Werurwe 2019.


Nyamasheke:umuturage yasobanuye uburyo RDF yananiwe gutsimbura FLN muri Nyungwe!

Image may be NSFW.
Clik here to view.
Gen Major Eric Murokore, uyoboye inkeragutabara mu Ntara y’uburengerazuba

Umuturage yasobanuye uburyo RDF ishyira abaturage mu kaga ibajyana ku rugamba
Image may be NSFW.
Clik here to view.
Abayobozi bari bitabiriye inama y’abayobozi b’ibanze mu karere ka Nyamasheke: uva i buryo ugana i bumoso: ACP Rogers Rutikanga, Meya wa Nyamasheke Kamali Aime Fabien, Ministre w’ubutegetsi bw’igihugu Anastase Shyaka, Guverineri w’intara y’uburengerazuba Alphonse Munyentwali, Gen Major Eric Murokore umuyobozi w’inkeragutabara mu Ntara y’uburengerazuba.
 
Image may be NSFW.
Clik here to view.
Ministre w’ubutegetsi bw’igihugu, Anastase Shyaka mu nama n’abaturage ba Nyamasheke.

Nyuma yo kumara imyaka bafunze 22 mu bayislamu baregwaga iterabwoba bagizwe abere!

Abayisilamu 22 muri 40 bakurikiranyweho ibyaha by’iterabwoba bagizwe abere n’urugereko rw urukiko rukuru rwihariye ruburanisha imanza zambukiranya imipaka rukorera i Nyanza, nyuma yo gusanga ibyaha bashinjwa bitabahama.

Uru rubanza rwari rumaze gusubikwa kabiri kose kubera impamvu z’ubunini bwarwo,rwasomwe kuri uyu wa Gatanu taliki ya 22 Werurwe 2019,Kuva isaa yine n’igice za mu gitondo kugeza saa moya n’iminota icumi za nimugoroba.

Image may be NSFW.
Clik here to view.
Image may be NSFW.
Clik here to view.
Image may be NSFW.
Clik here to view.
Image may be NSFW.
Clik here to view.
Image may be NSFW.
Clik here to view.
Image may be NSFW.
Clik here to view.

Clarisse Mukansanga yakatiwe imyaka 5 azira kutakira bougie mu muhango wo kwibuka Genocide!

Urukiko rwisumbuye rwa Rubavu rwakatiye igifungo cy’imyaka itanu n’amezi atandatu Mukansanga Clarisse wari umuyobozi w’akarere wungirije ushinzwe imibereho myiza y’abaturage mu karere ka Nyabihu nyuma yo guhamwa n’icyaha cy’ingengabitekerezo ya Jenoside.

Tariki 12 Mata 2018, nibwo Mukansanga Clarisse yavuzweho kwanga kwakira urumuri rw’icyizere ubwo ku rwego rw’aka karere hibukwaga ku nshuro ya 24 Jenoside yakorewe Abatutsi. Nyuma yaje gusabirwa guhezwa mu bikorwa byo Kwibuka, tariki 11 Gicurasi 2018 yegura ku mwanya we ndetse atabwa muri yombi nyuma y’amasaha make yeguye.

Aburana ifungwa n’ifungurwa ry’agateganyo, yasabiwe gufungwa agakurikirana afunzwe ariko aza kujuririra iki cyemezo, gusa tariki 5 Kamena 2018 nibwo urukiko rwanze ubujurire bwe ruvuga ko nta shingiro bufite, bwemeza ko agomba gukurikinwa afunze.

Tariki 19 Werurwe 2019, visi Perezida wa IBUKA mu karere ka Nyabihu, Niyoyita Jean Claude yari yitabiriye kumva umwanzuro w’urukiko nyuma yo kuburanisha uru rubanza mu mizi, yabwiye NONAHA ati “Twakurikiranye uru rubanza kuva rwatangira kugeza ubu, twishimiye icyemezo cy’urukiko ko uwakoze icyaha ahanwa, bizabera isomo n’abandi bayobozi ndetse n’abandi batandukanye bagerageza cyangwa batekereza kuba bapfobya Jenoside”

Source: nonaha.com

YEMWE GA NYAMUCYE UCYEREYE INDA UKANDAVURA!

Icyunamo kiregereje, ubu bamwe indimi mwazibanze zimeze nk’inkota zikuwe mu kirimba cyazo, mwatangiye kuzityaza, induru igiye kuvuga, jenoside igiye kuba jenoside, Umucikacumu agiye kwerekeza inkota ye kuri mwene wabo ashoboye, uriya uzibeshya akavuga ibyo we adashaka.

Nigeze gusoma kuri TheRwandan, aho umucikacumu yavuze ko yarokowe n’umusirikali niba ari Bagosora, sinibuka neza. Undi mucikacumu yahise amusubiza ko azamusekura! Icyo gihe uwo wavuze uko yarokotse, yari yavuze ibidahuye na Leta ya FPR. Ntibyateye kabiri, wawundi wari yavuze ibyiza by’umuhutu wamurokoye, yaje no kuvuga ibyiza bya FPR, bidateye kabiri, Rushyashya imugira intangarugero, ihita yataka wawundi washakaga kuzamusekura, imwihaniza ko atagomba kwigira umuvugizi w’abacikacumu, imushinja n’ibyaha byinshi, imubwira kwigira kuri wawundi yendaga kuzasekura.

Nguko uko bamwe mubacikacumu bibuka. Uburakari bwa mbere babusohoreza kuri mwene wabo barokokanye kuko ariwe nyine bashoboye. Barangiza bati kanaka yabaye imbwa n’igisambo, arwanya Leta ya bene wacu, uretse ko hari n’abarwanana imibare ngo barebwe neza bakaba banaruma bahuha ariko byagaragaye ko barumye bene wabo banarumye ho ingoma amenyo, gatoya bikiza. Abo bene wabo nabo bababonye amatwi, iyo byabakomeranye ibyaha byabo byabaye byinshi, babashyira imbere bati ni mujye kurwana, cya kidini cyanyu kitwa jenoside cyatewe. Nimuhaguruke mujye gutabara jenoside iri mubibazo. Iyo mburagasani ikaba isubiranye agatege, bagahaguruka n’iyonka nka ba Bahutu bo mumajyaruguru, EX-FAR yajyaga yohereza mu ntoki guhumbahumba utunyenzi, disi abo baturage bakaba bazize ubujiji no kwiringira bene wabo, babasunikaga babishaka bakabagira ibitambo.

Nguko uko bucya politiki yikomereza, bugacya ba ruharwa bakirwa i Kigali muri ngwino urebe, bakakirwa nk’intwari kandi koko ni intwari kuko abacikacumu batsinzwe ruhenu. Ababashyira imbere ngo bajye kurwana ntibatuma bamagana imishinga yabo, barabakoresha barangiza bakica, abandi bagakeneshwa, abasigaye bakabatamika ngo “nta mbwa imokana inyama mu kanwa!” Bati mube mugiye, nitubakenera tuzabatumaho.

Abacikacumu nabo binyaye mw’isunzu kdi bagizwe ahanini n’abarwanya Leta, nabo bagatangira gukwena babandi bene wabo bati ntacyo mwavuze igihe interahamwe zakirwaga i Kigali, bati twe twanditse amabaruwa, tuyandikira bariya bari kwica abacikacumu mugaceceka, tubandikira tubabwira ko badakwiye kwakira interahamwe mu Rwanda. Nabo ugasanga ari izindi “ntwari” zishaka kubuza interahamwe kwakira izindi. Nuko bakagaya bene wabo batanditse amabaruwa, bagahondagurwa ngo ni abagambanyi. Kuko bo bijajaye bari iyo ruterwa inkingi n’inkenke, bakandikira abo bicanyi akabaruwa k’urukundo babibutsa ko kizira kikaziririzwa kwakira bariya bicanyi bandi. Ako ka baruwa kagahinduka ubutwari kubakanditse, kakaba intwaro FPR izaragiza abo bicanyi igihe izaba itakibakeneye, kakaba kandi n’inkota ibanguriwe umucikacumu utarashyize umukono kuri ako kabaruwa.

Umwanzi wambere w’umucikacumu ni umucikacumu kuko ariwe ashoboye!!! Kimwe n’interahamwe nazo zabishe kuko aribo zari zishoboye, nkuko intwari yabo Kagame yabicishije kugirango agere ku butegetsi kuko aribo bari bamworoheye kandi azakomeza no kubicumba yica abo ashaka akomeza ikinamico imusunikira iminsi ngo yirire.

Ubu kwica umuntu ntibikiri icyaha, ahubwo kuvuga ibyo Leta idashaka ni cyo cyaha. Ubu Leta ikora kuri telecomande abacikacumu bagakora ibyo ishaka. Baba abo muri Leta baba abayirwanya, yarabafashe ibacamo kabiri, abazi gucyeza ni bo ishyira imbere bakarwana ngo bararwana kuri cya kidini cyayo ngo ni jenoside, intambara ikarota kandi bikarangira batsinzwe, banadusebeje, nkuko bisanzwe kandi urugamba rukarangira, bamwe muri bo bahaguye. Abo bagwamo ntawemerewe kubaririra, haririrwa abapfuye 1994, nabo iyo baba bakiriho bakicwa ubu, ntawabaririra!

Abahutu bo simbatinda ho cyane gusa nabo usanga hari abashinyagurira bene wabo b’inzirakarengane bagiye bagwa muri ayo majye, ugasanga nabo babahanganishije n’izindi nzirakarengane z’abatutsi. Iyo bari kuvuga uko ibitero by’inkotanyi byaje byicisha abatutsi bari bari mu gihugu, ntibibuka uko inzirabwoba cg interahamwe zamarishije Abahutu. Interahamwe zateraga abasirikali b’inkotanyi zikabarasa n’imyambi zikirukira mu basivile, DMI nayo ikaba ibonye akazi, ikica nta mpuhwe.

Bavandimwe ko abagome tubafite impande zombi mwaretse ababirenganira mo tukajijuka tukikundanira, tukibera mu mahoro ya Kristo , mukareka abicanyi bakuzuza urugero rwabo ko batazatinda kurimbuka? Niba uri umucikacumu w’umututsi, sha, jya wibuka ko ntawutaka atababaye, abawe bapfuye, impamvu baririrwa ntibashyingurwe, ni ukubera business. Niba uri umucikacumu w’umuhutu, reka guhangana n’uwumututsi ngo nawe warababaye, nakwibuke, nawe ntiyiyibutse wimusaba ibimugoye, ibuka abawe mu mahoro ntaguhangana kuko nta ntambara ibirimo.

Mubuzima bwanjye sinjya njya mu cyunamo ariko abanjye mba mbibuka nkarushaho kugira imbaraga kuko nasigaye ngo mbeho kandi ku bw’Imana. Nkirinda ikintu cyose kitwa urwango, kuko ushyize mugaciro abo kwanga baba benshi ugasanga ni wowe wivunnye. Mwe bacikacumu mwese baba abahutu n’abatutsi, ibyo byo kurira murwanira, ngo ntimuririra abanyu ku munsi uyu n’uyu, birabica ntibibakiza! Ni koko mwahamagariwe kurira no kuboroga kugirango ikiriyo kirangire mwamaganye ikibi cyose, musigaranye urukundo no kworoherana no kubabarirana mugerageza kubana mu mahoro. Kuki mwakumva muri mu kuri kuririra abishwe cyera, kandi abantu bakicwa impfu mbi cyane ntimubaririre? Kuki mutumva ko hari ikintu mutakoze neza?

Aho ntibababwiye ngo murire mukarira kubera itegeko? Natwaye mu modoka Col Dodo na Minister Patrick Mazimpaka, i Kibungo tugiye gushyingura abantu bishwe muri jenoside, hari muri 1995 niba nibuka. Nuko bacukura icyobo kinini rusanjye baramburamo shitingi, barundamo izo nzirakarengane icyobo kiruzura. Batarashyiraho igitaka, Mazimpaka abona hari ikintu kitagendeka, afata ijambo aratubwira ati: bantu muri aha ni murire, muririre aba bantu. Hari hari kurira umugore umwe gusa, mu bantu nka 300 bari bari aho. Maze atanze itegeko ryo kurira, abantu benshi cyane baraturika bararira. Tuvuye aho turi mu modoka dutashye, Mazimpaka aratubwira ati : “Iyo ntabibutsa kurira uzi ko bari bitahiye batarize?!” None se umuntu azajya akubwira ati ikintu kirababaje, rira we atarize, nawe ukarira akureba, akakuragirira muri urwo, imyaka igashira indi igataha?

Barabaragiza amarira bo batarira ahubwo batwara imicuzo n’impozamarira ba nyagupfa bibereye mu gahinda gusaaaa. Babapangira uko bazahindura amabara y’imikenyero y’icyunamo gitaha ngo ubucuruzi buzagende neza!!! Ubwo koko mwumva muzajijuka ryari? Ibi bintu mubamo muzabikuramo imbwa yiruka, ku umugani wa Kagame ntimuzajya mwijuru. Imana yabahaye ubwenge bwo gutekereza ariko mubukoresha nabi.

Ndabizi kunyumva birabagora kandi imiheto mwarayifoye, ariko rwose bavandimwe, mwihangane iki cyunamo kizabe icy’urukundo, ahari urwango muhasimbuze urukundo, mwubahane nk’ibiremwa muntu. Mureke abantu bavuge icyo batekereza, ni kiba kibi mugikosoze icyiza, atari ukwica mugenzi wawe ahubwo ari ukumufasha no kumuhumuriza. Uwizeye Jonny yararirimbye ati ” Bene muntu ko mbona mugenda insigane, ab’intege nke, bazaba abande? Abarusha abandi ingufu, mutwambutse iyi nyanja, umubano ukwire mu bantu….”

H.T. Sankara

David Himbara aravuga ku mubano we na Kagame, Rujugiro na Kayumba

Yasemuwe na Kanuma Christophe

Dr David Himbara yigeze kuba Umunyamabanga Mukuru wihariye wa Perezida Paul Kagame amara kandi imyaka 6 ari Umujyanama wa Perezida Paulo Kagame kuby’ubukungu. Nyuma yo kugarukwaho mu kiganiro ikinyamakuru New Vision cyagiranye n’umunemari Tribert Rujugiro Ayabatwa mucyumweru gishize muricyo kiganiro uyu munyemari akavuga ko mubyo yaganiriye na Perezida Yoweri Museveni; ikinyamakuru New Vision cyashatse Dr David Himbara kigirana ikiganiro nawe. Icyo kiganiro cyasohotse uyu munsi 24 Werurwe 2019, ikinyamakuru cyanyu IHAME.org cyashatse icyo kiganiro kikibashirira mukinyarwanda.

New Vision: Wabaye umujyanama wa Perezida Paulo Kagame muby’ubukungu kandi wamukoreye imyaka myinshi, n’iki mwapfuye?

Dr David Himbara: Nakuriye Uganda, mumabyiruka yanjye nahise njya muri Canada. Mu buto bwanjye sinigeze mba cyane muri Afrika.Nabaye hirya y’inyanja mpigira iby’ubukungu (Economics) ntangira no kwigisha muri imwe muri Kaminuza zo muri Canada. Nahagaritse kwigisha njya mu mirimo y’ubujyanama muby’ubukungu ninabwo Perezida Kagame yumvise bamvuga ansaba gutaha i Rwanda tugakorana.

Nakoranye na Perezida Kagame inshuro 2. Bwa mbere n’igihe natahaga mvuye Canada mu mwaka wa 2000 dukorana imyaka 2. Yari yansezeranije kuzagira uruhare runini mu kuvugurura ubukungu bw’u Rwanda ariko mpageze yangize Umunyamabanga Mukuru wihariye we atabingishije inama uwo niwo murimo nakoze mugihe cy’imyaka 2.

New Vision:Kuki wahisemo kumucika?

Dr David Himbara:Nahise nahise mbona ko uwo mwanya utankwiriye. Ntabwo ngomba kwiga ngere aho mbona PHD hanyuma njye gukora akazi aho nshinzwe kwandika imyanzuro y’inama. Narakaretse nigira mu gihugu cya Afrika y’Epfo.

New Vision: Ni gute waje gusubira mu Rwanda?

Dr David Himbara: mu mwaka wa 2006 narimo nkorera umushinga wakoraga ibyitwa “evidence based policy making” mu gihugu cya kenya, Tanzania, Afrika y’Epfo na Swaziland. Perezida kagame yarabyumvise arampamagara ambaza impamvu uwo mushinga ntawuzana mu Rwanda.Nahise mubwira ko ubwo naherukaga mu Rwanda umwanya w’akazi yari yampaye katari katari gahwanye n’ubushobozi bwanjye. Yansezeranije kumapa umwanya w’akazi unkwiriye.

Mu mwaka wa 2006 kugeza 2008 twakoranye neza dukora amavugurura m’ubukungu bw’igihugu. Nakoraga nk’umuhanga muby’ubukungu nkaba kandi nk’umujyanama wa Kagame. Ayo mavugurura yashyize u Rwanda ku mwanya mwiza wa 70 ku isi yose.

New Vision:None se n’iki cyatumye uhunga 2010?

Dr David Himbara: Natangiye kwitegereza mbona uko twegereza amatora ya 2010 Perezida Kagame atangiye kugenda aba umuntu ugoranye gukorana nawe. Mu mwaka wa 2009 yashatse ko tuvuga ko ubukungu bw’u Rwanda bwazamutseho 11 ku ijana mu mwaka ushize wa 2008 mu nama yari yateguye, nanze kubyemera ndabihakana. Ubwo nibwo bwabaye ubwa nyuma nkorana nawe.

New VisionWahunze u Rwanda ute?

Dr David Himbara:Buri kwezi k’Ukuboza cyangwa Mutarama najyaga njya gusura umuryango wanjye wabaga Afrika y’Epfo. Nafashe imodoka yanjye y’akazi nerekeza i kanombe ku kibuga cy’indege mfata indege ngeze aho numvaga batangeraho narabahamagaye mbabwira ko nagiye kandi ntazagaruka.

New VisionKuri numero yacu ya New Vision yo kucyumweru twaganiriye na Tribert Rujugiro aduhishurira ko Perezida Yoweri Museveni yamubwiye kubyo ujya wandika. Yanabwiye uwo munyemari kugurisha ubucuruzi bwe afite Uganda agahita ahagarika gukorera muri Uganda kugira ngo Uganda igirane imibanire myiza n’u Rwanda. Hari abemeza ko uvuga nabi igihugu cyawe.

Dr David Himbara: Byaterwa n’icyo bita kuvuga nabi igihugu. Iyo mbanyomoje ku mibare mihimbano bakoresha bashaka kuyobya amarari babeshya nibyo bita kuvuga nabi. Nandika no kubindi bihugu uretse u Rwanda kandi nandika nshingiye kuri za gihamya. Ni gute wakwiyita Singapore yo muri Afrika ufite amashyanyarazi ahwanye na 216 MW gusa? Ibyo bita kuvuga nabi n’ukugaragaza ibinyoma batangaza buri gihe.

Nubwo wajya gusuzuma ibyo nandika ku mbuga zanjye ntanahamwe uzabona ko nsebya u Rwanda. Ibyo uzabona byose mba nagaragaje n’ibimenyetso mu mibare.

Mubyo gufunga ubucuruzi bwa Rujugiro byo ntibisobanutse. Rujugiro akorera muri Afrika mu bihugu 9 by’Afrika. Ubucuruzi bwe butanga imirimo ibihumbi kandi hose atanga imisoro. Niba u Rwanda rufite ikibazo k’ubucuruzi bwa Rujugiro muri Uganda bukwiye kwiyambaza inkiko rugatanga ikirego.

Inzu y’ubucuruzi (UTC) Rujugiro afite mu Rwanda barayimwambuye bitwaje ko ngo nyirayo yayitaye nyuma yuko bwamwamburiye ubwenegihugu bw’u Rwanda. Muri Uganda abarwanya Museveni bahafite ibikorwa n’imitungo ariko nta narimwe wari wumva abagendaho muri buzinesi zabo.

New VisionN’ibiki birimo kuba mu Rwanda?

Dr David Himbara: Crystal Ventures Limited ikigo cy’ubucuruzi cy’ishyaka riri k’ubutegetsi Rwanda Patriotic front (RPF) niyo igenzura ubukungu bwose bw’igihugu ifata n’ubucuruzi bw’abacyetsweho kuba bahungabanya umutekano.

Rujugiro ntabwo ari we wenyine watakaje buzinesi mu Rwanda. Hari barangijwe nabi. Assinapol Rwigara yatakaje buzinesi ze anapfa urupfu rwamayobera.

New VisionNew Times yanditse inkuru mucyumweru gishize yemeza ko Rujugiro afasha abitegura guhungabanya umutekano mu Rwanda kandi ko afasha ibikorwa byawe by’urwango ufitiye ubutegetsi bw’u Rwanda mu bitangazamakuru byo mu bihugu biteye imbere.

Dr David Himbara: Tegereza gato! Rujugiro nanjye ubwanjye twishyuye amafaranga menshi muri “lobbying” i Washington DC, Podesta.Inc hagati ya 2012 na 2013 nari umujyanama wa Rujugiro. Tugaruke rero kubyo wavugaga, izina rye ryongeye kuvugwa nabi na rimwe, yongeye se kugaruka muri raporo za LONI ukundi, umwunganizi we yamusabye kutongera kurwanya LONI.

Namusabye kumpa amahirwe yo kweza izina rye barimo guhindanya. Nyuma y’umwaka byibura LONI yari yamaze kumweza. Namubwiye ko byasabaga ikintu kimwe kugira ngo LONI imuhe imugire umwere. Byasabaga ko dukora Kampanye (Campaign). Twari dukeneye gufungura website n’ibindi bikoresho kugira ngo izina ribi ryezwe risimburwe no kuvugwa neza. Nguko uko twakoresheje Prodesta.Inc igihe cy’imyaka itari mike. Bagiye mubihugu byose bya Afrika Rujugiro yari afitemo ibigo by’ubucuruzi bakora za filme bakora na website.

Abarezi babibonye bahise bakoresha twitter bandika ko Rujugiro yampaye amafaranga yo kubahesha isura mbi.

New Vision:Hari ibirego bivuga ko ujya uza muri Uganda kubonana na Perezida Museveni

Dr David Himbara: Mbega ukuntu nifuza ko ibyo byaba impamo. Nifuza cyane kuba nabonana nawe nkamusobanurira ibi ndimo mbabwira ko ari ukuri. Sinigeze na rimwe ubwanjye mpura na Museveni. Inshuro imwe rukumbi nahuye nawe n’igihe nakoreraga Kagame nari umwe mubari bazanjye na Kagame. Perezida Museveni ntanarimwe ndahura nawe kandi nta nubwo ubwe yaba anzi.

New Vision:Waba warigeze ugerageza ubwawe gushaka uko wabonana na Perezida Museveni? 

Dr David Himbara: Ntana rimwe! Sinari kwifuza kumutakariza igihe. Nkunda uburyo asetsa n’uburyo asobanukiwe.

New Vision:Nizihe ngaruka ubona zo gufunga umupaka uhuza u rwanda na Uganda ku bihugu byombi?

Dr David Himbara: U Rwanda gufunga imipaka yarwo na Uganda cyane harimo guhana abanyarwanda badashobora kubona uko binjira muri Uganda. Amagana y’abanyarwanda yambukaga akajya Uganda bagiye gushakayo imirimo. abacuruzi bato bato banyuraga kumipaka izwi n’ahatazwi bakajya kurangura ibiribwa Uganda bakajya kuyicuruza mu Rwanda. Ibitoki, Imboga n’amafi byaturukaga Uganda. Urubyiruko rw’abanyarwanda batari bake bigaga Uganda guhera mu mashyuri abanza kugeza muri Kaminuza. Yewe n’abana b’abayobozi mu rwanda bigaga mu mashuri yisumbuye ya Uganda. 

Kuri Uganda babona ko u Rwanda rwafunze imipaka kugira ngo bakumire ibicuruzwa Uganda yashoraga i Rwanda.

Icy’ingenzi kurusha byose n’uko Perezida Kagame bisa naho yibagiwe ko ariwe urimo kuyobora East Africa Community (EAC) kandi ko arimo kwica amasezerano ashyiraho EAC ahereranye n’urujya n’uruza n’ubuhahirane hagati yabyo. Niba afite icyo apfa na Uganda yagombaga gushikiriza icyo kibazo inama y’Abakuru b’ibihugu bya EAC abereye Umuyobozi.

New Vision: Hari abakurega ko uri umunyamuryango wa Rwanda National Congress 

Dr David Himbara:Zero, mbaza ahubwo ngo ninde nshigikiye.

Newe Vision:Ngaho tubwire uwo ushigikiye

Dr David Himbara:Abo mfata nk’intwari zanjye ni abagore 4, umwe yamaze kwitaba Imana ariko batatu baracyariho. Uwapfuye mfata nk’intwari yanjye ni uwigeze kuba Ministri w’Intebe Agathe Uwilingiyimana. uzwi cyane nka Madamu Agathe. Yishwe ku munsi wa 2 Jenoside itangiye tariki 07 Mata 1994. Akimara kugirwa Ministri w’Intebe yahise atangaza ko abana bose bagomba kujyanwa ku ishuri kandi yabikoze igihe u Rwanda rwategekwaga na perezida Habyarimana.

Abandi n’abarwanya ubutegetsi bwa Perezida Kagame abo ni Victoire Ingabire Umuhoza, wasize ibye n’ubuzima bwiza yabagamo afata icyemezo cyo gusubira mu Rwanda gupiganira kuba Perezida w’u Rwanda. Na Diane Rwigara na Nyina Adeline Rwigara.

Se wa diane amaze kwicwa mu buryo budasobanutse bitandukanye n’abandi banyarwanda uyu mutegarugori yagize ati:” Oya, Kagame agomba gusobanura“. Diane na Nyina ntibigeze bajya kwihisha munsi y’igitanda nkuko abandi banyarwanda babigenza. Bitunguranye Diane yahise afata icyemezo cyo guhangana na Kagame mu matora ya Perezida. Yaje gufunganwa na nyina nibyari bisigaye muri bizinesi ya Se bitezwa cyamunara. 

Ariko nubwo nkubwiye ntyo nshigikira ishyaka irya riryo ryose mu Rwanda ripfa kuba gusa ritigisha amacakubiri n’ubugizi bwa nabi.

New Vision:Hari abavuga ko imitwe y’inyeshyamba ivugwa ko irwanya Perezida Kagame ari udutsiko tugendanwa mubikapu (briefcase groups) twibera mubihugu byateye imbere, twashinzwe n’abantu mwifuza ko amazina yanyu akomeza kuvugwa. 

Dr David Himbara: Mu buryo bumwe ntiwabaveba. Uburyo ibintu byifashe mu Rwanda ubu ni bibi cyane (environnment in Rwanda is very poisonous). Ntiwamenya uwo kwizera nubwo yaba umwana wawe wibyariye. N’igihugu kitigeze kigira demokarasi na rimwe. N’abategetsi bajyaho ku ntambara bakavaho habaye indi. Biragoye gushyira kuri gahunda abaturage mu Rwanda. Ntiwamenya ikizagukubita. 

Komeza usome inkuru irambuye ku Ihame.org

Viewing all 10369 articles
Browse latest View live


<script src="https://jsc.adskeeper.com/r/s/rssing.com.1596347.js" async> </script>