IKIMASA CYA RUKANYAMIRUNDI

May 30, 2024, 4:46 am

≫ Next: Mbanda ati: “Umwanya wa Perezida wa Repubulika ntabwo uri ku isoko”

≪ Previous: Diane Rwigara yagejeje kandidatire ye kuri Komisiyo y’amatora

Yanditswe na Jean Baptiste Nkuliyingoma

Mfite umuvandimwe witahiye iyo yabaga atangaye cyane cyangwa anezerewe yakundaga kurahira ikimasa cya Rukanyamirundi. Inkomoko y’iyo ndahiro sinyizi ariko byarandyoheraga kuyumva. Ku buryo nanjye ngirantya nkisanga ndimo kurahira Ikimasa cya Rukanyamirundi. Nibyo birimo kumbaho kuva ejo kubera ibyo nsoma ku mbuga nkoranyambaga no mu itangazamakuru mpuzamahanga.

Inkuru yabaye kimomo. Ku maradiyo, za televiziyo, ibinyamakuru byandikwa, mbese itangazamakuru ry’isi yose riravuga u Rwanda. Ariko ntabwo ari bya binyoma twari tumenyereye byo kurutâka. Ni u Rwanda tuzi, twahunze, benshi binatugoye kuko byarugutoroka. Ni u Rwanda ruyobowe n’umwicanyi imyaka 30 yose. Uwo mwicanyi ni Kagame wishe Seth Sendashonga akanabyigamba, akica Patrick Karegeya, akarasa Kayumba Nyamwasa, akica Kizito Mihigo n’abandi benshi basaga n’abibagiranye.

Uwo mwicanyi ni Kagame wihisha inyuma ya jenoside yateje umunsi aca igihugu umutwe arenze ku masezerano y’amahoro yasinyiwe Arusha agahindukira avuga ko ariwe muntu wenyine ushobora kuvuga ijambo kuko abandi bose ngo ari abicanyi, ibigwari. Kugeza n’aho avuga ko abo bafatanije urugamba ntanumwe muri bo ufite ubushobozi bwo kumusimbura.

Cyokora ngo habaho akazakora ku muntu. Umunyamakuru Ntwali John Williams niwe wabaye cya gitonyanga cya nyuma gituma amazi yarasendereye ameneka. Iyicwa rye muri Mutarama 2023 ryahagurukije abanyamakuru 50 bo mu bitangazamakuru 17 kandi bikomeye byo ku isi baza gukomeza umurimo yari yatangiye. Nukuvuga gutara ya makuru yataraga maze bakayatangaza. Isi yose ikamenya uko u Rwanda ruhagaze. Rwanda classified mubona ku ifoto iherekeje iyi nyandiko nicyo bisobanura. Iriya sura bahaye Kagame niyo sura nyayo imukwiye. Isi yose igomba kumenya ko leta ya FPR yica abaturage bayo, haba imbere mu gihugu, haba no mu bihugu bahungiyemo. Ishyirahamwe ry’abanyamakuru dukesha kiriya gikorwa cy’indashyikirwa ryitwa FORBIDDEN STORIES. Ni nko kuvuga ngo amakuru yaburijwemo.

Wa mugabo usiga mu karere ibihugu byose birimo kumuvumira ku gahera kubera intambara yabitejemo akaboneza akajya Davos ngo kuvugana n’abavuga rikijyana ubu noneho isi iramubana ntoya. Abapfuye yishe barimo kumurusha ingufu. Wenda aribeshya ko igisubizo asigaranye arukwica abandi bantu benshi ariko ay’ubusa. Ntawaruzi ko umunsi yigamba ku mugaragaro ko yishe Seth Sendashonga yarimo gutanga amakuru azakoreshwa igihe kigeze. Ninde waruzi ko ba Kizito Mihigo bazaba benshi kandi bakagira ingufu zo gukomeza gukwiza ubutumwa bwe?

Revolisiyo nyayo izakura u Rwanda aho FPR yarushyize irimo guturuka aho abantu batatekerezaga. Ni muri bariya basore n’inkumi bemera gupfa cyangwa gufungwa ariko intego arukugeza ku banyarwanda no ku isi amakuru nyayo y’ukuri. Turashimira cyane ishyirahamwe FORBIDDEN STORIES ryabateye ingabo mu bitugu. Abanyamakuru muri i Mageragere muzira ukuri mwatangaje muri abo kubahwa. Ba Deo Mushayidi, ba Idamange Iryamugwiza Ivona, ba Aimable Karasira, ba Cyuma Hassan, ba Théoneste Nsengimana (Umubavu), mwese tubari inyuma kandi aho bukera igitugu turakirahira IKIMASA CYA RUKANYAMIRUNDI.

The post IKIMASA CYA RUKANYAMIRUNDI appeared first on Umunyarwanda.

↧

Mbanda ati: “Umwanya wa Perezida wa Repubulika ntabwo uri ku isoko”

June 1, 2024, 1:19 am

≫ Next: Mpayimana Philippe yongeye gutanga kandidatire ku mwanya wa Perezida

≪ Previous: IKIMASA CYA RUKANYAMIRUNDI

The post Mbanda ati: “Umwanya wa Perezida wa Repubulika ntabwo uri ku isoko” appeared first on Umunyarwanda.

↧

Mpayimana Philippe yongeye gutanga kandidatire ku mwanya wa Perezida

June 1, 2024, 1:23 am

≫ Next: Umugore wa Theoneste Nsengimana ahamagaye kuri gereza abaza irengero ry’umugabo we.

≪ Previous: Mbanda ati: “Umwanya wa Perezida wa Repubulika ntabwo uri ku isoko”

The post Mpayimana Philippe yongeye gutanga kandidatire ku mwanya wa Perezida appeared first on Umunyarwanda.

↧

Umugore wa Theoneste Nsengimana ahamagaye kuri gereza abaza irengero ry’umugabo we.

June 5, 2024, 6:16 pm

≫ Next: UWAHOZE ARI UMUSHOFERI WA CYUMA ATUBWIYE BYINSHI KURIWE MURI GEREZA TUTAMENYE

≪ Previous: Mpayimana Philippe yongeye gutanga kandidatire ku mwanya wa Perezida

The post Umugore wa Theoneste Nsengimana ahamagaye kuri gereza abaza irengero ry’umugabo we. appeared first on Umunyarwanda.

↧

UWAHOZE ARI UMUSHOFERI WA CYUMA ATUBWIYE BYINSHI KURIWE MURI GEREZA TUTAMENYE

June 7, 2024, 8:32 am

≫ Next: BARAFINDA AKIVA MURI NEC KUJURIRA ARIBAZA IMPAMVU KAGAME WE ATATANZE ICYANGOMBWA KIMWE KIMWE

≪ Previous: Umugore wa Theoneste Nsengimana ahamagaye kuri gereza abaza irengero ry’umugabo we.

The post UWAHOZE ARI UMUSHOFERI WA CYUMA ATUBWIYE BYINSHI KURIWE MURI GEREZA TUTAMENYE appeared first on Umunyarwanda.

↧

BARAFINDA AKIVA MURI NEC KUJURIRA ARIBAZA IMPAMVU KAGAME WE ATATANZE ICYANGOMBWA KIMWE KIMWE

June 8, 2024, 7:59 pm

≫ Next: FUNGA IKINWA CYAWE-Muri NEC bateranye amagambo na HAKIZIMANA wifuza kuba Perezida

≪ Previous: UWAHOZE ARI UMUSHOFERI WA CYUMA ATUBWIYE BYINSHI KURIWE MURI GEREZA TUTAMENYE

The post BARAFINDA AKIVA MURI NEC KUJURIRA ARIBAZA IMPAMVU KAGAME WE ATATANZE ICYANGOMBWA KIMWE KIMWE appeared first on Umunyarwanda.

↧

FUNGA IKINWA CYAWE-Muri NEC bateranye amagambo na HAKIZIMANA wifuza kuba Perezida

June 8, 2024, 8:12 pm

≫ Next: Victoire INGABIRE ahereye kuri kandidature zemewe n’izanzwe atuganiriza byinshi.

≪ Previous: BARAFINDA AKIVA MURI NEC KUJURIRA ARIBAZA IMPAMVU KAGAME WE ATATANZE ICYANGOMBWA KIMWE KIMWE

The post FUNGA IKINWA CYAWE-Muri NEC bateranye amagambo na HAKIZIMANA wifuza kuba Perezida appeared first on Umunyarwanda.

↧

Victoire INGABIRE ahereye kuri kandidature zemewe n’izanzwe atuganiriza byinshi.

June 8, 2024, 8:15 pm

≫ Next: “Sintinya Gusubirayo”– Jado wahoze ari Umushoferi wa Cyuma yavuze ku Rugendo rwe muri Gereza

≪ Previous: FUNGA IKINWA CYAWE-Muri NEC bateranye amagambo na HAKIZIMANA wifuza kuba Perezida

The post Victoire INGABIRE ahereye kuri kandidature zemewe n’izanzwe atuganiriza byinshi. appeared first on Umunyarwanda.

↧

“Sintinya Gusubirayo”– Jado wahoze ari Umushoferi wa Cyuma yavuze ku Rugendo rwe muri Gereza

June 11, 2024, 2:47 am

≫ Next: Bambwiye ko ndi ku Rutonde rw’Abagomba Kwicwa

≪ Previous: Victoire INGABIRE ahereye kuri kandidature zemewe n’izanzwe atuganiriza byinshi.

The post “Sintinya Gusubirayo” – Jado wahoze ari Umushoferi wa Cyuma yavuze ku Rugendo rwe muri Gereza appeared first on Umunyarwanda.

↧

Bambwiye ko ndi ku Rutonde rw’Abagomba Kwicwa

June 13, 2024, 2:49 am

≫ Next: UWATWARAGA CYUMA ATUBWIYE INZIRA IMUJYANA MU MVA IFUNGUYE NKUKO ABIVUGA.

≪ Previous: “Sintinya Gusubirayo”– Jado wahoze ari Umushoferi wa Cyuma yavuze ku Rugendo rwe muri Gereza

The post Bambwiye ko ndi ku Rutonde rw’Abagomba Kwicwa appeared first on Umunyarwanda.

↧

UWATWARAGA CYUMA ATUBWIYE INZIRA IMUJYANA MU MVA IFUNGUYE NKUKO ABIVUGA.

June 18, 2024, 7:48 pm

≫ Next: “Umujyi wa Kigali ni Igisambo”:Ibitaravuzwe mu rubanza rw’Abaturage ba Kangondo

≪ Previous: Bambwiye ko ndi ku Rutonde rw’Abagomba Kwicwa

The post UWATWARAGA CYUMA ATUBWIYE INZIRA IMUJYANA MU MVA IFUNGUYE NKUKO ABIVUGA. appeared first on Umunyarwanda.

↧

“Umujyi wa Kigali ni Igisambo”:Ibitaravuzwe mu rubanza rw’Abaturage ba Kangondo

June 18, 2024, 7:50 pm

≫ Next: Agatsiko k’i Kigali na demokarasi.

≪ Previous: UWATWARAGA CYUMA ATUBWIYE INZIRA IMUJYANA MU MVA IFUNGUYE NKUKO ABIVUGA.

The post “Umujyi wa Kigali ni Igisambo”:Ibitaravuzwe mu rubanza rw’Abaturage ba Kangondo appeared first on Umunyarwanda.

↧

Agatsiko k’i Kigali na demokarasi.

June 18, 2024, 7:58 pm

≫ Next: Gereza Ntizigera iba Igororero/Ubutaka bwacu Bwaguzwe na Qatar/Jado ahishuye byinshi ku rugendo rwe!

≪ Previous: “Umujyi wa Kigali ni Igisambo”:Ibitaravuzwe mu rubanza rw’Abaturage ba Kangondo

Paul Kagame n’agatsiko ke biyambitse uruhu rw’intama ari ibirura biba ubutegetsi ku ngufu mu mivu y’amaraso n’imibirogo, ikinyoma gihabwa intebe imyaka ibaye mirongo itatu. Aho ageze hose ahabwa amashyi n’impundu yagombye guhabwa induru agaterwa amabuye. Ibyo biterwa n’iyica rubuzo n’agashinyaguro akorera abo yiyemeje kwica, gutindahaza abatavuga rumwe na we, iterabwoba no kwicisha inzara abaturage. Abambari be bariye bahaze ndetse bashyiraho umuhini, bakaroronjokwa ngo komeza utwiyoborere Ntwari wadukuye aharenga. Gusobanukirwa guterwa n’urwego rw’imyumvire ya buri muntu. Uwariye aseka uwaburaye. Agatsiko ka bamwe ntikazemera na rimwe amatora asesuye, ngo umuntu yishyire yizane mu matora adafifitse. Gufata ubutegetsi ni ukubugumana!

Abaturage bagiye kurimbuka bibagirwa amateka yabo. Amateka ni cyo gishyitsi kivumbuka ya mibereho bose basangiye kandi buri wese azarahuraho isomo rye yihariye rizaba ikindi gishyitsi cy’inganzamarumbu bitewe na ya myumvire ya buri wese. Aha, ikigaragara kandi tutagomba gutindaho ni uko uwo mutwe w’Inkotanyi utaje uje kubana n’abandi ngo bareshye nawo. Oya! Kuko Paul Kagame yabwiye abantu mu mwaka wa 2003 ati: “Twiyubakiye inzu nta muntu n’umwe tazayugamisha mo, ntibishoboka, ntibishoboka.” Byongeye kandi mu mwaka wa 2015, hakozwe itora rya kamparampaka ryamugize “Ntayegayezwa” rimuha uburenganzira bwo kuguma ku butegetsi. Ajya kubufata ku ngufu ntawe yasabye uburenganzira. Agomba kwigira nyoninyinshi ngo ni abaturage babinsabye kandi ntacyo yabima. Nyamara kandi n’uburozi yabubaha kuko yumva yakwica abantu bose bavutse mbere ye. Impamvu ni uko atinya ko baje kumunyomoza ku mateka. Ayo Inkotanyi zavuze ni ibinyoma! Ziyacurikiranya nkana hagamijwe ubujura n’uburiganya.

Mu matora ya 2003, umugabo wiyamamaje ku giti cye Théoneste Niyitegeka atarigeze ava mu gihugu, Inkotanyi zafashe igihugu Bwana Niyitegeka ari mu bitaro i Kabgayi avura indembe n’inkomere z’intambara; aguma mu bitaro avura kugeza mu mwaka wa 2003. Aza gushaka gufata ubutegetsi yitwaje amatora na demokarasi. FPR ishaka kwerekana ko demokarasi yitwaje itera mu ukwakira 1990 bitari indirimbo gusa. Yemerera abantu kurema imitwe ya politiki abandi bakiyamamaza ku giti cyabo. Ubwo abashyizeho Inkotanyi na Paul Kagame boherezaga nyakwigendera Twagirmungu Faustin ngo aze kwiyamamaza, Kigali yaramwemereye. Ageze i Kigali yasanze abarwanashyaka bayobowe na Célestin Kabanda bashyira umukono ku itegeko rizagenga ishyaka ryabo Alliance démocratie équité progrès, ADEP Mizero, bemera kureka akiyamamaza wenyine batamuvundiye, bemera no kumwamamaza. Ishyaka ADEP Mizero ryimwa uburenganzira bwo gukora ku mugaragaro, ubutegetsi buti ni MDR nsansansa. Ni birebire;bati, ntawarubara! Amatora arangiye, abamwamamaje Faustin Twagiramungu batoraguzwa uruhindu barafugwa.

Abanyeshuli bayagizemo urwo ruhare bimwa impamyabumenyi zabo kandi barazitsindiye. Paul Kagame ati: mwese muvuge muvuye aho! Ubutegetsi ni ubwa njye naraburwaniye mbwiciraho bene wanyu. Ntimuzongere gutekereza mubutekereza. Ubu, imyaka irenga 15, Dr Niyitegeka aboreye mu gihome! Bamuhimbiye ibyaha. Ni yo mpamvu Madamu Ingabire Victoire Umuhoza bamufunze. Magingo aya bagira bati iyi nkozi y’ibibi ntimuyemerere kwiyamamaza itazadutsinda cyane cyane ko gukora nk’ ibyo bakoreye Bwana Twagiramungu na bo ubwabo bitabahesha ishema. Bityo bahitamu kumukumira.

Ni ngombwa ko Paul Kagame agira abantu bamuherekeza kugira ngo muri rya tora byitwe ko hiyamamaje umuntu urenze umwe. Byitirirwe demokarasi. Ntacyo batinya nta n’icyo bubaha. Uyo Filipo Mpayimana abayeho neza kubera leta ya Paul Kagame imumenyera inda igihe iyo na we agize icyo ayimalira mu bijyanye n’ishusho ubutegetsi bwerekana hanze mu mahanga. Muri make Bwana Mpayimana n’Ishyaka rye ashobora kuba arimo wenyine ni ibikoresho bya Kigali na Paul Kagame. Ni agakingirizo ko mu matora. Naho Bwana Habineza Frank, nk’uko na we ubwe bwite atabonera ibisobanuro bifatika uko yahunze yitwaje umugore n’abana bose mu ivalisi ni na ko atasobanura ukuntu ubihungiro bwe bwamaze imyaka 2 gusa mu mwaka wa 3, nk’aho yagiye mu rugendo shuli agahunguka ahawe n’igihembo cya demokarasi. Aliko iyo urebeye hafi usanga Bwana Habineza yaragambaniye umusangirangendo we Rwisereka. Leta imaze kwivugana uwo yashakaga ifasha undi guhunga agira ngo iwabo wa nyakwigendera batarabukwa. Imigilire ya Frank Habineza yuzuye ibinyoma birenze ukwemera. Ahungutse na bwo yongera guhabwa undi mudari! Impamyabumenyi y’ikirenga y’icyubahiro ngo ishingiye ku ruhare yagize mu guharanira demokarasi n’uburenganzira bwa muntu! Ibi byose yabikoze he? Yabikoreye bande? Ryari? Ntaho. Hagati ya leta y’u Rwanda na Bethel College yo muri Indiana, Leta zunze ubumwe z’Amerika.

Uwo Perezida Paul Kagame yagize ati: “Ibyo nashatse kugeraho byose nabigezeho, hatanzwe ibitambo byinshi yego. Ariko abanyarwanda bagomba kumva ko kugira ngo twiyubakire igihugu byari ngombwa ko tugira ibyo dusenya. Ushaka kubaka inzu wese asiza ikibanza, agacukura umusingi mu butaka bukomeye.” Ni muri urwo rwego rw’abo banyarwanda, aba bagabo bombi: Habineza Frank na Mpayimana Philippe, biyamamazanya na Paul Kagame bahabwa n’agahimbazamusyi, ubuzima bugakomeza. Bo basabwa ubwitonzi no kutagira ibyo basasa! Ng’ayo ng’uko. Amatora yose akoreshwa na leta ya Kigali aba ari amwe dukurikije intego zayo: gutsindagira ikinyoma kigejeje Inkotanyi aho zigeze no gukumira inkonkobotsi yose yashaka kwegera no guhungabanya ubwo butegetsi bwabo. Kuburwanya wivuye inyuma bisaba kurandurana n’imizi icyo kinyoma magingo ayo gitangiye kuba inganzamarumbu.

Umwanditsi w’inkuru